రేపు ప్రభుత్వానికి 'ఇంటర్'​ త్రిసభ్య కమిటీ నివేదిక

ఇంటర్​ ఫలితాల్లో తలెత్తిన అవకతవకలపై ప్రభుత్వం నియమించిన త్రిసభ్య కమిటీ రేపు నివేదిక సమర్పించనుంది. గ్లోబరీనాతో పాటు బోర్టులోని లోపాలను సర్కారు దృష్టికి తీసుకురానుంది.

రాష్ట్రవ్యాప్త ఆందోళనలకు కారణమైన ఇంటర్​ ఫలితాల వ్యవహారంలో.. త్రిసభ్య కమిటీ రేపు ఉదయం విద్యాశాఖ కార్యదర్శి జనార్దన్​ రెడ్డికి నివేదిక సమర్పించనుంది. మూడు రోజులుగా సుదీర్ఘంగా విచారించిన కమిటీ గ్లోబరీనా సామర్థ్యం, టెండర్ల ప్రక్రియలో అనుసరించిన విధానం, ఇంటర్​ బోర్డు పర్యవేక్షణ లోపం వంటి అంశాలపై నిశీత పరిశీలన చేసింది. వీటన్నింటిపై 12 పేజీల నివేదికతో పాటు, మరో 150 పేజీలతో కూడిన 12 అంశాలపై సుధీర్ఘ వివరణ ఇవ్వనుంది. గ్లోబరీనాతోపాటు ఇంటర్​ బోర్డులోనూ లోపాలు ఉన్నట్లు కమిటీ గుర్తించింది.

ఇవీ చూడండి: ఇంటర్​ అడ్వాన్స్​డ్​ పరీక్షకు దరఖాస్తు గడువు పెంపు