ఎమ్మెల్యే, ఎంపీ మనోళ్లయితే మరింత వేగంగా అభివృద్ధి

శాసనసభ్యుడు, ఎంపీ ఇద్దరూ ఒకే పార్టీకి చెందిన వ్యక్తులైతే ఆ ప్రాంతం అభివృద్ధిలో దూసుకుపోతుందన్నారు కడియం శ్రీహరి. వరంగల్ పార్లమెంట్​ అభ్యర్థి పసునూరి దయాకర్​కు మద్దతుగా ఆయన ప్రచారం చేపట్టారు.

ఎమ్మెల్యే, ఎంపీ ఒకే పార్టీ వారైతే అభివృద్ధి వేగంగా జరుగుతుందని మాజీ ఉపముఖ్యమంత్రి కడియం శ్రీహరి అన్నారు. వరంగల్ లోక్​సభ అభ్యర్థి పసునూరి దయాకర్​కు మద్దతుగా ప్రచారం నిర్వహించారు. ముఖ్యమంత్రి కేసీఆర్ చేపట్టిన సంక్షేమ పథకాలు దేశానికే ఆదర్శమయ్యాయని కొనియాడారు. శాసనసభ ఎన్నికల మాదిరే పార్లమెంట్​ అభ్యర్థులను గెలిపించాలని కోరారు. భారీ మెజార్టీతో పసునూరిని గెలిపించాలని విజ్ఞప్తి చేశారు. పదహారు స్థానాలు గెలిస్తే రాష్ట్రం మరింత వేగంగా అభివృద్ధి చెందుతుందని పసునూరి దయాకర్ అభిప్రాయపడ్డారు. వరంగల్ ప్రజలు తనను మరోసారి ఎంపీగా పార్లమెంట్​కు పంపించాలని అభ్యర్థించారు.

ఇవీ చూడండి: 'సత్తా ఉన్న అభ్యర్థులనే కాంగ్రెస్ బరిలోకి దింపింది'