ఏపీ ఇంటెలిజెన్స్ చీఫ్​గా తెలంగాణ ఐపీఎస్​

గతంలో వైఎస్ రాజశేఖరరెడ్డికి చీఫ్ సెక్యూరిటీ ఆఫీసర్​గా పని చేసిన స్టీఫెన్ రవీంద్రే... ఆంధ్రప్రదేశ్​ ఇంటెలిజెన్స్​ చీఫ్​గా నియమితులైనట్లు సమాచారం. ప్రస్తుతం ఆయన తెలంగాణలో హైదరాబాద్ రేంజ్ ఐజీగా పని చేస్తున్నారు. తెలంగాణ ప్రభుత్వం నుంచి రిలీవ్ కావడానికి మరో 15 రోజలు పట్టే అవకాశముంది.

స్టీఫెన్​ను ఏపీకి తీసుకోవాలని భావిస్తున్న జగన్, ఆయనను డిప్యుటేషన్ మీద ఆంధ్రప్రదేశ్​కు పంపించాలని కోరినట్లు తెలుస్తోంది. రెండు రాష్ట్రాల ప్రభుత్వాలు కేంద్రానికి లేఖ రాసిన తర్వాత... పూర్తి స్థాయిలో బాధ్యతలు స్వీకరించనున్నారని ఉన్నతాధికారులు చెబుతున్నారు. వైఎస్​ దగ్గర పని చేయడమే గాక... ఆ కుటుంబానికి సన్నిహితుడిగా స్టీఫెన్ రవీంద్రకు పేరుంది. రాయలసీమలో ఫ్యాక్షన్ ప్రభావిత ప్రాంతాలతో పాటు మావోయిస్టు వ్యతిరేక ఆపరేషన్లలో సమర్థవంతంగా పని చేసిన అధికారిగా గుర్తింపు ఉంది.

ఇవీ చూడండి: శ్రీవారి సన్నిధిలో సీఎం కేసీఆర్​