పేదల కోసం ఉచిత మార్కెట్​.. ఎక్కడంటే?

బంగాల్​లో లాక్​డౌన్​ వేళ పేదలకు నిత్యావసరాలను ఉచితంగా అందిస్తోంది ఓ స్వచ్ఛంద సంస్థ. అందుకోసం అలిపుర్​ద్వారాలో ఏకంగా ఓ మార్కెట్​నే ఏర్పాటు చేశారు.

బంగాల్​లో కరోనా మహమ్మారి విజృంభిస్తున్న వేళ.. పేదల కోసం ఉచిత మార్కెట్​ను నిర్వహిస్తోంది ఓ స్వచ్ఛంద సంస్థ. అలిపుర్​ద్వారాలోని భాతిబరిలో గురువారం ఈ మార్కెట్​ను ఏర్పాటు చేశారు. ఇక్కడ పేదలకు ఉచితంగా బియ్యం, పప్పుధాన్యాలు, నూనె, ఉప్పు, కూరగాయలను అందిస్తున్నారు.

ఇప్పటివరకు 80 కుటుంబాలను నిత్యావసరాలతో ఆదుకుంది ఈ సంస్థ. కాగా, ఏడాది కాలంగా సామాజిక కార్యకలాపాలను నిర్వహిస్తున్నట్లు సంస్థ సభ్యుడు సుదీప్ సాహా తెలిపారు.

ఇదీ చూడండి:ఆ కుటుంబం కోసం.. 24 గంటలపాటు సైనికుల ట్రెక్కింగ్