Weekly Horoscope:ఈ వారం (మార్చి 13- మార్చి 19) మీ రాశి ఫలాల గురించి డాక్టర్‌ శంకరమంచి రామకృష్ణ శాస్త్రి ఏమన్నారంటే..
మేషం:
ధర్మనిష్టాపరాయణులై పనిచేయండి. ఉద్యోగంలో విశేష లాభముంటుంది. ఆశయం నెరవేరుతుంది. గౌరవం పెరుగుతుంది. బాధ్యతలను సకాలంలో పూర్తిచేస్తారు. తలపెట్టిన కార్యాలు మంచి ఫలితాన్నిస్తాయి. దైవానుగ్రహంతో ఆపదలు తొలగుతాయి. బంగారు భవిష్యత్తు గోచరిస్తుంది. చెడు ఏ మాత్రం ఊహించవద్దు. శివస్మరణ ఉత్తమం.
వృషభం:
ఆత్మవిశ్వాసం మిమ్మల్ని ముందుకు నడిపిస్తుంది. అనుకున్న ఫలితాలు సాధిస్తారు. ఉద్యోగంలో ఒత్తిడి ఉన్నా విజయమూ ఉంటుంది. అవరోధాలను అధిగమిస్తారు. వ్యాపారం కొంతవరకు అనుకూలం. ఖర్చులు తగ్గించాలి. సౌమ్య సంభాషణతో శాంతి లభిస్తుంది. వారం మధ్యలో ఆనందించే అంశముంది. లక్ష్మీస్మరణ అదృష్టాన్నిస్తుంది.
మిథునం:
అభీష్టసిద్ధి విశేషంగా ఉంటుంది. తలపెట్టిన కార్యాలు విజయవంతమవుతాయి. ఆర్థికపుష్టి లభిస్తుంది. సంతోషించే వార్త ఒకటి వింటారు. మిత్రులవల్ల లాభపడతారు. సమాజంలో కీర్తి లభిస్తుంది. బాధ్యతలను చక్కగా పూర్తిచేస్తారు. వారం మధ్యలో ఒక పనిలో విజయం వస్తుంది. కొన్ని సమస్యలు పరిష్కరిస్తారు. గణపతిని స్మరించండి, మనోబలం పెరుగుతుంది.
కర్కాటకం:
ధర్మమార్గంలో ముందుకు సాగండి. అనేక విఘ్నాలు ఎదురవుతాయి. సమర్థంగా అధిగమించాలి. ప్రసన్నచిత్తంతో ఆలోచిస్తే ఉద్యోగంలో ఇబ్బందులు తొలగుతాయి. వ్యాపారపరంగా శ్రద్ధ పెంచాలి. కొత్త విషయాలపై దృష్టి పెట్టండి. కోరుకున్న మార్గంలోనే అభివృద్ధి లభిస్తుంది. పదిమందికీ ఆదర్శవంతులవుతారు. నవగ్రహ శ్లోకాలు చదివితే మంచిది.
సింహం:
ఉన్నతమైన ఆశయాలతో పనిచేయండి, అదృష్టవంతులవుతారు. మంచి భవిష్యత్తు లభిస్తుంది. విశేష గౌరవాలున్నాయి. అభీష్టం ఫలిస్తుంది. సత్యమార్గంలో ఉన్నత శిఖరాలను అధిరోహిస్తారు. మీవల్ల కొందరు లాభపడతారు. సంతోషించే అంశాలున్నాయి. శాంతి పెరుగుతుంది. ఆరోగ్యంపై శ్రద్ధ పెంచండి. రవిధ్యానం శుభాన్నిస్తుంది.
కన్య:
ఆలోచించి నిర్ణయాలు తీసుకోండి. అద్భుతమైన విజయం లభిస్తుంది. ఉద్యోగంలో మేలైన ఫలితాలు వస్తాయి. కోరుకున్న జీవితం లభిస్తుంది. వ్యాపారంలో లాభాలున్నాయి. వారం మధ్యలో శుభపరిణామాలు ఉన్నాయి. వివాదాలకు అవకాశం ఇవ్వవద్దు. వారాంతంలో అభీష్టసిద్ధి ఉంటుంది. ఈశ్వర ధ్యానం శుభప్రదం.