'సీఎం నా ఫోన్​ ట్యాప్ చేసి వింటున్నారు!'

UP CM Phone Tapping: తమ ఫోన్లను ట్యాప్ చేసి, ప్రతిరోజు సాయంత్రం తమ సంభాషణలను ఉత్తర్​ప్రదేశ్​ ముఖ్యమంత్రి యోగి ఆదిత్యానాథ్ వింటున్నారని సమాజ్​వాదీ పార్టీ అధినేత అఖిలేశ్​ యాదవ్ ఆరోపించారు. ఎన్నికల్లో ఓటమి భయంతో భాజపా ప్రభుత్వం.. కేంద్ర దర్యాప్తు సంస్థలను ప్రత్యర్థులే లక్ష్యంగా వాడుకుంటోందని విమర్శించారు.

Akhilesh Yadav Phone Tapping: ఉత్తర్​ప్రదేశ్​లో ఎన్నికలకు సమయం సమీపిస్తుండగా అక్కడి రాజకీయాలు వేడెక్కుతున్నాయి. యూపీ ముఖ్యమంత్రి యోగి ఆదిత్యానాథ్​ తన ఫోన్లను ట్యాప్​ చేస్తున్నారని సమాజ్​వాదీ పార్టీ(ఎస్​పీ) అధినేత అఖిలేశ్ యాదవ్ ఆదివారం ఆరోపించారు. ప్రతి సాయంత్రం తన కాల్స్​ను ఆయన వింటున్నారని చెప్పారు.

Akhilesh On Cm Yogi: యోగి ఆదిత్యానాథ్​ను 'యోగి+యూపీ= ఉపయోగి' అని ప్రధానమంత్రి నరేంద్ర మోదీ ప్రశంసించడాన్ని అఖిలేశ్​ ఎద్దేవా చేస్తూ.. 'యోగి నిరుపయోగి' అని వ్యాఖ్యానించారు. రానున్న ఎన్నికల్లో ఓటమి భయంతో భాజపా ప్రభుత్వం వివిధ దర్యాప్తు సంస్థలను తనకు అనుకూలంగా వాడుకుంటోందని ఆరోపించారు. కొందరు ఎస్​పీ నేతల ఇళ్లు, కార్యాలయాలపై ఆదాయపు పన్ను శాఖ శనివారం దాడులు నిర్వహించిన నేపథ్యంలో అఖిలేశ్ ఈ వ్యాఖ్యలు చేశారు.

"మా ఫోన్ సంభాషణలన్నీ వింటున్నారు. ప్రతి సాయంత్రం ఈ 'నిరుపయోగి' ముఖ్యమంత్రి కొందరి ఫోన్ రికార్డింగులను వింటున్నారు. నాతో మాట్లాడే విలేకరులు కూడా అప్రమత్తంగా ఉండాలి. ఏ రాష్ట్రంలోనైనా ఎన్నికల్లో ఓడిపోతామని భాజపాకు తెలిస్తే.. వివిధ ఏజెన్సీలను తమకు అనుకూలంగా వాడుకుంటుందన్న విషయం దేశ ప్రజలందరికీ తెలుసు.

-అఖిలేఖ్ యాదవ్​, సమాజ్​వాదీ పార్టీ అధినేత

Akhilesh Yadav Central Agencies: "భాజపా కూడా కాంగ్రెస్​ దారిలోనే వెళ్తోంది. తమ ప్రత్యర్థులను భయభ్రాంతులకు గురి చేసేందుకు గతంలో కాంగ్రెస్ ప్రభుత్వం​ కేంద్ర దర్యాప్తు సంస్థలను వినియోగించుకునేది. ఇప్పుడు ఆ పని భాజపా చేస్తోంది. రాష్ట్రంలో పరిస్థితి చూస్తోంటే.. యోగి ప్రభుత్వం ఇక ఏమాత్రం కొనసాగదని నేను చెప్పగలను. ప్రజలు యోగ్యమైన ప్రభుత్వం కావాలని కోరుకుంటున్నారు" అని అఖిలేఖ్ పేర్కొన్నారు.

ఇదీ చూడండి:యూపీలో మోదీ సుడిగాలి పర్యటనలు- 10 రోజుల్లో నాలుగు టూర్లు!

ఇదీ చూడండి: Modi: 'వెళ్లండయ్యా.. వెళ్లి కాశీ చూసి రండి.. ఎంతో అభివృద్ధి చేశాం'