కేంద్ర మంత్రి సంజీవ్​ బాల్యన్​కు కరోనా​

దేశంలో కరోనా వైరస్​ బారినపడిన ప్రముఖుల సంఖ్య క్రమంగా పెరిగిపోతోంది. కేంద్ర సహాయ మంత్రి సంజీవ్​ బాల్యన్​కు వైరస్​ సోకినట్టు తేలింది. ఈ మేరకు ట్విట్టర్​లో వెల్లడించారాయన.

కేంద్ర వ్యవసాయ, ఆహార శుద్ధి శాఖ సహాయ మంత్రి సంజీవ్​ బాల్యన్​కు కొవిడ్​ పాజిటివ్​గా తేలింది. ఈ మేరకు ట్విట్టర్​ ద్వారా వెల్లడించారు బాల్యన్​.

సంజీవ్​ బాల్యన్​ ట్వీట్​

"బంగాల్​లో ఎన్నికల ప్రచారంలో పాల్గొన్నప్పుడు నాకు వైరస్​ లక్షణాలు కనిపించాయి. ఆ తర్వాత పరీక్షలు చేయించుకోగా.. కొవిడ్​ పాజిటివ్​గా నిర్ధరణ అయింది. దీంతో నేను స్వీయ నిర్బంధంలోకి వెళ్లాను."

- సంజీవ్​ బాల్యన్​, కేంద్ర మంత్రి

ఇటీవలి కాలంలో తనకు సన్నిహితంగా మెలిగినవారు తగు జాగ్రత్తలు పాటించడం సహా.. పరీక్షలు ​ చేయించుకోవాలని మంత్రి కోరారు.

ఇదీ చదవండి:కరోనా విలయం: ఒక్కరోజే 1,68,912 కేసులు