Ukraine Army Sainikesh: ఉక్రెయిన్ ఆర్మీలో చేరి రష్యాతో వీరోచితంగా పోరాడుతున్న భారతీయ యువకుడు ఇంటిపై బెంగ పెట్టుకున్నాడా? అంటే అవుననే అనిపిస్తోంది. తన కుమారుడు భారత్కు రావాలని అనుకుంటున్నట్లు యువకుడి తండ్రి 'ఈటీవీ భారత్'కు ఇచ్చిన ప్రత్యేక ఇంటర్వ్యూలో చెప్పారు.
తమిళనాడు, కోయంబత్తూర్కు చెందిన 21ఏళ్ల సైనికేశ్ రవిచంద్రన్.. భారత సైన్యంలో చేరేందుకు రెండు సార్లు ప్రయత్నించి విఫలమయ్యాడు. కానీ ఇక్కడ అవకాశం లభించకపోవడంతో ఉక్రెయిన్ వెళ్లి ఆ దేశం తరఫున యుద్ధం చేస్తున్నాడు.
ఉక్రెయిన్లోని ఖర్కివ్ నేషనల్ వర్సిటీలో ఏరోస్పేస్ ఇంజినీరింగ్ చేస్తున్న సైనికేశ్.. ఉక్రెయిన్, రష్యా యుద్ధం నేపథ్యంలో ఉక్రెయిన్ సైన్యంలో చేరాడు. ఈ విషయాన్ని తమిళనాడు ఇంటెలిజెన్స్, కేంద్ర ప్రభుత్వం ధ్రువీకరించాయి.
"మేము సైనికేశ్తో ఫోన్లో మాట్లాడాం. ఆర్మీలో పనిచేయాలన్న తన కోరిక నెరవేరిందని ఇక ఇంటికి రావాలని ఉందని చెప్పాడు మాతో. ఓ పక్క యుద్ధం జరుగుతున్నందున మాతో ఎక్కువ సేపు మాట్లాడలేదు." అని సైనికేశ్ తల్లిదండ్రులు 'ఈటీవీ భారత్'కు ఇచ్చిన ప్రత్యేక ఇంటర్వ్యూలో ఆవేదన వ్యక్తం చేశారు.
ఇదీ చూడండి:కశ్మీర్లో మరో సర్పంచ్పై ఉగ్రదాడి.. ఐజీ కీలక వ్యాఖ్యలు