Twosday news: ఈరోజు తేదీని గమనించారా? ఈ రోజుకో ప్రత్యేకత ఉంది. అవును! ఈ రోజు తేదీ 22-02-2022. ఇదో పాలిండ్రోమ్ నెంబర్. అంటే ముందు నుంచి చదివినా, వెనక నుంచి చదివినా ఈ నెంబర్ ఒకే రకంగా ఉంటుంది. తెలుగులో 'వికటకవి' పదం పాలిండ్రోమ్కు ఓ ఉదహరణ.
special date 2022
అంతేకాదు, ఈరోజు 'టూ'స్ డే! తేదీలో 2 అంకె అత్యధిక సార్లు వచ్చింది కాబట్టి దీన్ని టూస్డేగా పిలుచుకుంటున్నారు. దీంతో పాటు ఈ రోజు మంగళవారం. దీన్ని ఇంగ్లిష్లో ట్యూస్డే అని పిలుస్తారు. ఈ రంకంగానూ టూస్డేకు ప్రత్యేకత వచ్చింది.
Twosday 2022 news
నిజానికి టూస్డేకు చారిత్రకంగా ఎలాంటి ప్రాముఖ్యత లేదు. కాస్మిక్ క్యాలెండర్ ప్రకారం కూడా ఎలాంటి ప్రత్యేకత లేదు. అయితే, ఈ తేదీన సంఖ్యల అమరిక ఆసక్తికరంగా ఉంటుంది. ఆస్ట్రాలజీ ప్రకారం 2 అంకె చంద్రుడిని సూచిస్తుంది. ఈ తేదీ కొందరికి మంచి చేస్తుందని భావిస్తుంటారు.
ఇక ఆస్ట్రాలజీ విశ్వసించని వారు కూడా ఈ రోజు.. గుర్తుండిపోయేలా చేసుకోవాలని అనుకుంటున్నారు. కొన్ని దేశాల్లో అయితే గర్భవతులు.. పట్టుబట్టి ఇదే రోజున డెలివరీలు అయ్యేలా చూసుకుంటున్నారు. ఈరోజు జన్మించిన శిశువు పుట్టిన తేదీ.. ఎప్పటికీ ప్రత్యేకంగా నిలిచిపోతుందని అంటున్నారు.
ఇదీ చదవండి:Horoscope Today (22/02/22): ఈ రోజు రాశి ఫలం ఎలా ఉందంటే?