'ఆఫ్​-రోడ్​​ జీప్​ రేస్​'తో రైడర్లకు పక్కా థ్రిల్​!

కర్ణాటకలో నిర్వహించే 'ఆఫ్​-రోడ్​ జీప్​ రేసు'కు విశేష ఆదరణ లభిస్తోంది. ఇతర రాష్ట్రాల నుంచి వచ్చిన రైడర్లు ఇందులో పాల్గొని రైడ్​కున్న థ్రిల్​ను అస్వాదిస్తున్నారు.

ప్రకృతి అందాలకు నెలవైన కర్ణాటక శృంగేరిలో నిర్వహిస్తున్న 'ఆఫ్​-రోడ్​ జీప్​ రేసు'కు విశేష ఆదరణ లభిస్తోంది. కాఫీ పొలాలు, అడవులు, కొండలు, బురద, చెరువుల మధ్యలో 'శృంగేరీ అడ్వెంచర్​ అండ్​ మోటార్​ క్లబ్'​ నిర్వహంచే 'మాల్నాడ్ థ్రిల్స్ ఫన్ డ్రైవ్'‌లో 50మందికిపైగా రైడర్లు పాల్గొన్నారు.

ఈ రేసును శృంగేరి పరిసర గ్రామాల్లోనే నిర్వహిస్తున్నారు. దీనిలో పాల్గొనడానికి రాష్ట్రం నలుమూలల నుంచే కాకుండా కేరళ నుంచి కూడా రైడర్లు వస్తున్నారు. సాధారణంగా చిక్కమగళూరు జిల్లాలో ఇలాంటి పోటీలు తరచుగా జరుగుతుంటాయి. సాహసోపేత రైడర్స్ చాలా మంది ఈ రైడ్​ను ఆస్వాదిస్తారు.

ఈ రేసులో పాల్గొనాలంటే ఎంతో నైపుణ్యం ఉండాలి. ఎందుకంటే ఇది ఎంత సంతోషాన్ని ఇస్తుందో అంతే ప్రమాదకరం. ఈ రేసును చూసేందుకు వందలాది మంది తరలివస్తున్నారు.

ఇదీ చూడండి:ప్రకృతి ఒడిలో 'జీప్​ రేస్'​.. ఆ కిక్కే వేరప్పా!