'విదేశాలకు టీకా ఎగుమతులు కొనసాగుతాయ్'

దేశీయంగా టీకా అందుబాటులో ఉంచేందుకు జాగ్రత్తలు తీసుకుంటూనే.. విదేశాలకు వ్యాక్సిన్​ ఎగుమతులు కొనసాగిస్తామని విదేశీ వ్యవహారాల శాఖ స్పష్టం చేసింది. టీకా డోసులు సరిపడా లేవని పలు రాష్ట్రాలు ఆందోళన వ్యక్తం చేస్తున్న నేపథ్యంలో.. విదేశాంగ శాఖ వ్యాఖ్యలకు ప్రాధాన్యం ఏర్పడింది.

కరోనా టీకా ఎగుమతులపై ఎలాంటి నిషేధం విధించలేదని విదేశీ వ్యవహారాల మంత్రిత్వ శాఖ స్పష్టం చేసింది. దేశీయంగా టీకా అవసరాలపై జాగ్రత్తలు తీసుకుంటూనే.. వ్యాక్సిన్​ ఎగుమతులను కొనసాగిస్తామని పేర్కొంది. సరిపడా టీకా డోసులు అందుబాటులో లేవని పలు రాష్ట్రాలు ఆందోళన వ్యక్తం చేస్తున్న వేళ.. కేంద్రం చేసిన తాజా ప్రకటనకు ప్రాధాన్యం ఏర్పడింది.

స్వదేశీ అవసరాలు ఎక్కువైతే టీకా ఎగుమతులపై ప్రభావం పడుతుందా అనే ప్రశ్నకు విదేశీ వ్యవహారాల మంత్రిత్వ శాఖా ప్రతినిధి సమాధానం చెబుతూ.. "స్వదేశీ అవసరాలను దృష్టిలో ఉంచుకుని విదేశాలకు టీకాలను ఎగుమతి చేస్తాం. టీకా పంపిణీపై వెబ్​సైట్​లో ఎప్పటికప్పుడు సమాచారం అందుబాటులో ఉంచుతున్నాం" అని చెప్పారు.

రాష్ట్రాలకు కావాల్సినన్ని టీకా డోసులను కేటాయించామని కేంద్రం చెబుతోంది. రాష్ట్ర ప్రభుత్వాలు అర్హులైన వారికి టీకాలను పంపిణీ చేయకుండా వృథా చేస్తున్నాయని పేర్కొంది.

ఇదీ చదవండి:కొవిషీల్డ్​ కాలపరిమితి పెంపునకు డబ్ల్యూహెచ్​ఓ 'నో'