కాంగ్రెస్​కు షాక్​.. భాజపాలోకి పార్టీ సీనియర్​ నేత​!

Sunil Jakhar BJP: భాజపా జాతీయ అధ్యక్షుడు జేపీ నడ్డా సమక్షంలో కాషాయ పార్టీలో చేరారు పంజాబ్​ పీసీసీ మాజీ అధ్యక్షుడు సునీల్​ జాఖడ్​. కాంగ్రెస్​ను వీడిన జాఖడ్​.. ఆ పార్టీపై తీవ్ర విమర్శలు చేశారు.

Sunil Jakhar BJP: పంజాబ్​లో కాంగ్రెస్​కు ఎదురుదెబ్బ తగిలింది. ఆ రాష్ట్ర​ పీసీసీ మాజీ అధ్యక్షుడు సునీల్​ జాఖడ్​ భాజపాలో చేరారు. భాజపా జాతీయ అధ్యక్షుడు జేపీ నడ్డా సమక్షంలో కాషాయ తీర్థం పుచ్చుకున్నారు. కాంగ్రెస్​ను వీడిన జాఖడ్​​.. ఆ పార్టీ మాజీ ముఖ్యమంత్రి చరణ్​జీత్​ సింగ్​పై విరుచుకుపడ్డారు. పార్టీ చిత్రీకరించినట్లుగా ఆయన అంత బలవంతుడేమీ కాదన్నారు. పంజాబ్​ కాంగ్రెస్​ నాయకులు కొందరు పార్టీ వ్యతిరేక కార్యకలాపాలకు పాల్పడ్డారని ఆరోపించిన నేపథ్యంలో జాఖడ్​ను పదవుల నుంచి తొలగించింది అధిష్ఠానం.

కాంగ్రెస్​ సీనియర్​ నాయకులు అంబికా సోనీపై జాఖడ్​ విమర్శలు గుప్పించారు. పంజాబ్​లో హిందూ ముఖ్యమంత్రి ఉండటం వల్ల కలిగే పరిణామాల గురించి ఆమె చేసిన వ్యాఖ్యలపై తీవ్ర విమర్శలు చేశారు. ఈ ఏడాది జరిగిన అసెంబ్లీ ఎన్నికల్లో కాంగ్రెస్ ఓటమికి సోనీ కూడా ఓ కారణమని ఆరోపించారు. వ్యక్తిగత ప్రయోజనాల కోసం తానెప్పుడు రాజకీయాలను ఉపయోగించుకోలేదన్నారు.

ఇదీ చదవండి:కాంగ్రెస్​కు హార్దిక్ గుడ్​బై- వారిపై 'చికెన్​ సాండ్​విచ్​' పంచ్