నిరుద్యోగులకు శుభవార్త.. SSC నుంచి భారీ నోటిఫికేషన్​.. పరీక్ష ఎప్పుడంటే?

నిరుద్యోగులకు శుభవార్త. స్టాఫ్ సెలక్షన్ కమిషన్​ కంబైన్డ్ గ్రాడ్యుయేట్​ లెవల్(సీజీఎల్)-2023 భారీగా ఉద్యోగాలను భర్తీ చేసేందుకు సిద్ధమైంది. 7,500 పోస్టులకుగానూ నోటిఫికేషన్​ విడుదల చేసింది. ఈ ఉద్యోగాలకు ఎప్పుడు నుంచి అప్లై చేసుకోవచ్చంటే?

నిరుద్యోగులకు స్టాఫ్ సెలక్షన్ కమిషన్ శుభవార్త చెప్పింది. ఎస్​ఎస్​సీ​ కంబైన్డ్ గ్రాడ్యుయేట్​ లెవల్(సీజీఎల్) 7,500 ఉద్యోగాలకు గానూ నోటిఫికేషన్ జారీ చేసింది. గ్రూప్‌ బి, గ్రూప్‌ సీ పోస్టుల కోసం కంబైన్డ్‌ గ్రాడ్యుయేట్‌ లెవెల్‌ పరీక్షలు నిర్వహించనుంది. డిగ్రీ అర్హతపై ఈ ఉద్యోగాల కోసం ఏప్రిల్‌ 3 నుంచి దరఖాస్తులు కోరుతోంది. ఆసక్తి గల అభ్యర్థులు అధికారిక వెబ్‌సైట్ ssc.nic.in ద్వారా ఆన్‌లైన్‌లో దరఖాస్తు చేసుకోవచ్చు.

ఇండియన్ ఆడిట్ అండ్ అకౌంట్స్ విభాగంలో అసిస్టెంట్ ఆఫీసర్, అకౌంట్స్ ఆఫీసర్, ఇంటెలిజెన్స్ బ్యూరో సహా పలు శాఖల్లో అసిస్టెంట్ సెక్షన్ ఆఫీసర్ పాటు పలు శాఖల్లో వివిధ పోస్టులు ఉన్నాయి. అభ్యర్థులు గుర్తింపు పొందిన యూనివర్సిటీ నుంచి బ్యాచిలర్ డిగ్రీని కలిగి ఉండాలి.
దరఖాస్తు విధానం: ఆన్‌లైన్​లో దరఖాస్తు చేసుకోవాలి. రూ.100ను ఎగ్జామ్ ఫీజుగా చెల్లించాలి. ఎస్సీ, ఎస్టీ, మహిళలు, దివ్యాంగులు, ఎక్స్​సర్వీస్​మెన్​లకు ఫీజు లేదు.

వయసు పరిమితి:01.08.2023 నాటికి ఖాళీలను అనుసరించి 18-27 ఏళ్లు, 20-30 ఏళ్లు, 18-30 ఏళ్లు, 18-32 ఏళ్ల మధ్య ఉండాలి. ఎస్సీ, ఎస్టీ అభ్యర్థులకు ఐదేళ్లు, ఓబీసీలకు మూడేళ్లు, ఎక్స్‌సర్వీస్‌మెన్‌లకు మూడేళ్ల పాటు వయో సడలింపు కల్పించారు.
ఉద్యోగ ఎంపిక విధానం: టైర్‌-1, టైర్‌-2 ఎగ్జామినేషన్‌, డేటా ఎంట్రీ స్పీడ్ టెస్ట్, ఫిజికల్/ మెడికల్ టెస్టులు, సర్టిఫికెట్స్ పరిశీలన తదితరాల ఆధారంగా ఎంపిక చేస్తారు.

శాలరీ..నెలకు రూ.25,500 నుంచి రూ.1,51,100 (ఆయా పోస్టులను బట్టి)

• ముఖ్యమైన తేదీలు:
• ఆన్‌లైన్ దరఖాస్తు ప్రక్రియ ప్రారంభం: 03-04-2023
• ఆన్‌లైన్ దరఖాస్తుకు ఆఖరి తేదీ: 03-05-2023
• ఆఫ్‌లైన్ చలానా జనరేషన్‌కు చివరితేది: 04-05-2023
• చలానా ద్వారా ఫీజు చెల్లించడానికి చివరితేది: 05-05-2023
• దరఖాస్తుల సవరణ తేదీలు: 07-05-2023 నుంచి 08.05.2023 వరకు.
• టైర్-1 పరీక్ష తేదీ (కంప్యూటర్ బేసిడ్ పరీక్ష): జులై, 2023.
• టైర్-2 పరీక్ష తేదీ: ఇంకా ప్రకటించలేదు.

తెలుగు రాష్టాల్లో ఎస్​ఎస్​సీ పరీక్షా కేంద్రాలు..విజయనగరం, విశాఖపట్నం, రాజమండ్రి, విజయవాడ, చీరాల, గుంటూరు, కాకినాడ, కర్నూలు, నెల్లూరు, తిరుపతి, హైదరాబాద్, కరీంనగర్, వరంగల్.

రైల్వేలో ఉద్యోగాలు..
మరోవైపు ఇండియన్ రైల్వే ఉద్యోగాలకు నోటిఫికేషన్ జారీ చేసింది. 238 రైల్వే అసిస్టెంట్ లోకో పైలట్​(ALP) పోస్టులకు గానూ నోటిఫికేషన్ వెలువడింది. ఉద్యోగానికి అప్లై చేసుకునే వారి వయసు 18-42 ఏళ్ల మధ్య ఉండాలి. ఓబీసీలకు 3 ఏళ్లు, ఎస్సీ, ఎస్టీలకు 5 ఏళ్ల వయసు సడలింపు ఉంది. ఈ అప్లికేషన్ ప్రక్రియ ఏప్రిల్​ 7న ప్రారంభమై మే 6తో ముగుస్తుంది. ఐటీఐ, డిప్లామో అర్హత ఉన్నవారు ఈ ఉద్యోగాలకు అప్లై చేసుకోవచ్చు. నార్త్ వెస్ట్ రైల్వే జోన్​ ఈ నోటిఫికేషన్​ను విడుదల చేసింది.

• ఇవీ చదవండి: