భారీ హిమపాతం.. కుప్పకూలిన 1.32 లక్షల హైఓల్టేజీ టవర్​

Snowfall in Jammu and Kashmir: జమ్ముకశ్మీర్​లో భారీగా కురుస్తున్న మంచు వల్ల జనజీవనం అస్తవ్యస్తంగా మారింది. హిమపాతం కారణంగా 1.32 లక్షల హైఓల్టేజీ టవర్​ కూలి.. ట్రాఫిక్​కు అంతరాయం ఏర్పడింది.

Snowfall in Jammu and Kashmir: జమ్ముకశ్మీర్​లో హిమపాతం బీభత్సం సృష్టిస్తోంది. భారీగా కురుస్తోన్న మంచు కారణంగా గలంధర్​ పాంపోర్​ వద్ద శ్రీనగర్​-జమ్ము జాతీయ రహదారి సమీపంలోని 1.32 లక్షల హైఓల్టేజీ టవర్​ కుప్పకూలింది. దీంతో తీవ్రంగా ట్రాఫిక్​ జామ్ ఏర్పడి.. గంటల కొద్దీ వాహనాలు రోడ్లపైనే నిలిచిపోయాయి.

కూలిన హైఓల్టేజీ టవర్

ఈ క్రమంలో సహాయక చర్యలను ముమ్మరం చేశారు అధికారులు. టవర్​ కూలడం వల్ల రావల్పిండి గ్రిడ్​ స్టేషన్​ నుంచి విద్యుత్ సరఫరాకు అంతరాయం ఏర్పడింది. దీంతో ప్రజలకు ఇబ్బంది కలగకుండా రెండో లేన్​ నుంచి విద్యుత్​ను సరఫరా చేస్తున్నారు.

అధికారుల సహాయక చర్యలు

చిక్కుకుపోయిన టూరిస్టులు..

భారీగా మంచు కురుస్తుండటం వల్ల సోన్​మార్గ్​లో చిక్కుకుపోయిన 50మందికి పైగా యాత్రికులను సురక్షిత ప్రాంతాలకు తరలించారు అధికారులు. అత్యవసరమైతే తప్ప ప్రజలు ఇళ్ల నుంచి బయటకు రావొద్దని సూచించారు.

టూరిస్టుల తరలింపు

ఇదీ చూడండి:ఇళ్లు, కార్లను కప్పేసిన మంచు.. ఎటు చూసినా శ్వేతవర్ణ శోభితం