తమిళనాడు రాజధాని చెన్నైలో షాకింగ్ ఘటన వెలుగులోకి వచ్చింది. ఈరోడ్లోని చెన్నిమలై హిల్స్లో ఉన్న జీటీఎల్ ఇన్ఫ్రాస్ట్రక్చర్ అనే ప్రైవేట్ సంస్థకు చెందిన ఓ సెల్ టవర్ పోయిందని పోలీసు స్టేషన్లో కేసు నమోదైంది. ఆ టవర్ 2017 నుంచి ఉపయోగంలో లేదు. దానిపై ఎలాంటి పర్యవేక్షణ లేదు. ఈ అపహరణ కారణంగా సంస్థకు రూ.32 లక్షల నష్టం వచ్చినట్లు తెలుస్తోంది. అయితే ఈ కేసు దర్యాప్తు చేపట్టిన పోలీసులు.. షాకింగ్ విషయాలు వెలుగులోకి తెచ్చారు. ఆ సంస్థకు చెందిన మొత్తం 600 సెల్ టవర్లు అపహరణకు గురైనట్లు గుర్తించారు.
ముంబయికి చెందిన జీటీఎల్ సంస్థ.. కేవలం తమిళనాడులోనే 6 వేలకుపైగా సెల్ టవర్లను ఏర్పాటు చేసి నిర్వహిస్తోంది. అయితే 2018లో నెట్వర్కింగ్ సేవలనూ అందించే ఓ ప్రైవేటు షిప్పింగ్ సంస్థ.. ఆ సేవలను నిలిపివేసింది. దీంతో దేశవ్యాప్తంగా ఆ సంస్థ కోసం ఏర్పాటు చేసిన సెల్ టవర్లు పనిచేయడం ఆగిపోయింది. కరోనా సమయంలో వాటి నిర్వహణ, పర్యవేక్షణ జరగలేదు.