శబరిమలలో పోటెత్తిన భక్తులు
Sabarimala Rush Today: ఓవైపు దేశంలో ఒమిక్రాన్ వైరస్ వ్యాప్తి నెలకొన్న క్రమంలో.. శబరిమలలో భక్తులు పోటెత్తారు. శనివారం రికార్డు స్థాయిలో 42,354 మంది దర్శనం చేసుకున్నట్లు రాష్ట్రప్రభుత్వం తెలిపింది. శుక్రవారం 27,840 మంది దర్శనం చేసుకున్నారని పేర్కొంది. ఆలయంలోకి ప్రవేశించే భక్తులకు పోలీసులు.. శానిటైజ్ చేసి, మాస్కులు అందిస్తున్నారని వివరించింది.
డిసెంబరు 9 నుంచి వర్చువల్ క్యూ పద్ధతిలో బుకింగ్ చేసుకునే విధానం పూర్తవుతుందని స్పష్టం చేసింది. వర్చువల్ బుకింగ్తో పాటు రోజూ దాదాపు 5వేల మంది భక్తులకు స్పాట్ బుకింగ్ అనుమతిస్తున్నట్లు పేర్కొంది.