2015లో కేరళ శాసనసభలో అనుచితంగా ప్రవర్తించి, ఆస్తుల ధ్వంసానికి పాల్పడిన కేసులో ఎల్డీఎఫ్ కూటమికి చెందిన శాసనసభ్యులు విచారణ ఎదుర్కోవాల్సిందేనని సుప్రీంకోర్టు స్పష్టం చేసింది. సదరు ఎమ్మెల్యేలపై క్రిమినల్‌ కేసులను రద్దు చేయాలని కోరుతూ కేరళ ప్రభుత్వం వేసిన పిటిషన్‌పై సర్వోన్నత న్యాయస్థానం తీర్పు వెలువరించింది. ప్రభుత్వ ఆస్తులను ధ్వంసం చేయడం వాక్‌ స్వాతంత్ర్యం కాదని కోర్టు ఈ సందర్భంగా వ్యాఖ్యానించింది.
" ఎంపీలు, ఎమ్మెల్యేలు రాజ్యాంగంపై విశ్వాసం కలిగివుండాలి. ప్రభుత్వ ఆస్తులను ధ్వంసం చేయడం వంటి చర్యలను వాక్‌ స్వాతంత్ర్యంగా పేర్కొనకూడదు. చట్టసభ్యుల హక్కులు.. చట్టాల నుంచి మినహాయింపు పొందేందుకు ద్వారాలు కాకూడదు" అని జస్టిస్ డీవై చంద్రచూడ్‌ నేతృత్వంలోని ధర్మాసనం స్పష్టం చేసింది. కేరళ ప్రభుత్వం చేసిన అప్పీల్‌లో ఎలాంటి అర్హత లేదని వెల్లడించింది. సభలో అనుచిత ప్రవర్తన, హింసాత్మక చర్యలు చట్టసభ్యులు బాధ్యత వహించాల్సిందేనని తేల్చి చెప్పింది. ఈ కేసులో వారంతా విచారణ ఎదుర్కోవాలని ధర్మాసనం తేల్చిచెప్పింది.
ఏం జరిగింది?