చైనా, హాంకాంగ్, జపాన్, దక్షిణ కొరియా, సింగపూర్, థాయ్లాండ్ నుంచి వచ్చే ప్రయాణికులకు కరోనా నెగెటివ్ రిపోర్ట్ తప్పనిసరి చేసింది కేంద్రప్రభుత్వం. ఈ దేశాల నుంచి భారత్కు వచ్చే ప్రయాణికులు తమ ఆర్టీపీసీఆర్ రిపోర్టును ఎయిర్ సువిధ పోర్టల్లో అప్లోడ్ చేయాలని నిబంధన విధించింది. జనవరి 1 నుంచి ఈ నిబంధన అమలులోకి వస్తుందని కేంద్ర ఆరోగ్య శాఖ పేర్కొంది. ఇప్పటికే అంతర్జాతీయ విమానాశ్రయాల్లో 2శాతం మంది ప్రయాణికులకు ర్యాండమ్గా చేస్తున్న పరీక్షలకు ఇది అదనంగా ఉంటుందని కేంద్రం తెలిపింది.
కరోనా కట్టడికి కేంద్రం కొత్త రూల్.. వారందరికీ RTPCR రిపోర్ట్ తప్పనిసరి
కరోనా కేసులు మళ్లీ పెరుగుతున్న నేపథ్యంలో కేంద్ర ప్రభుత్వం మరొక నింబంధన విధించింది. వివిధ దేశాల నుంచి భారత్కు వచ్చే ప్రయాణికులు ఆర్టీపీసీఆర్ రిపోర్టును ఎయిర్ సువిధ పోర్టల్లో అప్లోడ్ చేయాలని తెలిపింది. జనవరి 1 నుంచి నిబంధన అమలులోకి వస్తుందని కేంద్ర ఆరోగ్య శాఖ పేర్కొంది.
అంతర్జాతీయ ప్రయాణికులకు కేంద్ర మరో నిబంధన
ప్రయాణానికి 72 గంటల లోపు చేసుకున్న కొవిడ్ పరీక్ష రిపోర్టును మాత్రమే సువిధ యాప్లో అప్లోడ్ చేయాలని కేంద్ర ఆరోగ్య శాఖ మంత్రి మన్సుఖ్ మాండవియా సూచించారు. అదే విధంగా రాష్ట్ర ప్రభుత్వాలను, కేంద్రపాలిత ప్రాంతాలు అప్రమత్తంగా ఉండాలని ఆయన సూచించారు. వివిధ దేశాల్లో కరోనా కేసులు పెరుగుతున్నాయని, భారత్లోనూ కేసులు పెరిగే అవకాశం ఉన్నందున జాగ్రత్తగా ఉండాలని ఆరోగ్య మంత్రి కోరారు. కరోనా నింబంధలను కఠినతరం చేయాలని సూచించారు. ఎటువంటి ఘటనలు ఎదురైనా ఎదుర్కొనేందుకు సిద్ధంగా ఉండాలని రాష్ట్ర ప్రభుత్వాలకు, కేంద్రపాలిత ప్రాంతాలకు ఆయన తెలిపారు.
Last Updated : Dec 29, 2022, 5:00 PM IST