6 నుంచి రాష్ట్రపతి భవన్​ సందర్శనకు అనుమతి

దాదాపు 10 నెలల తర్వాత.. రాష్ట్రపతి భవన్​కు పర్యటకులను అనుమతిస్తూ నిర్ణయం తీసుకున్నారు అధికారులు. కరోనా ప్రభావంతో.. గతేడాది మార్చి నుంచి సందర్శకులను ఆపేసింది రాష్ట్రపతి భవన్​.

రాష్ట్రపతి భవన్ సందర్శనకు తిరిగి అనుమతిస్తూ అధికారులు నిర్ణయించారు. ఈ నెల 6 నుంచి సందర్శకులకు అనుమతి ఉంటుందని రాష్ట్రపతి భవన్​ ప్రకటన విడుదల చేసింది.

కరోనా ప్రభావంతో గత ఏడాది మార్చి 13 నుంచి సందర్శకులను ఆపేసింది. ఇప్పుడు.. కొవిడ్​ ప్రభావం తగ్గుముఖం పట్టడం, రాష్ట్రపతి భవన్​లో అనేక జాగ్రత్తలు తీసుకున్న తర్వాత సందర్శకులకు అవకాశం కల్పించాలని నిర్ణయించింది.

ఇవి పక్కా..

మాస్క్​ ధరించడం, భౌతిక దూరం పాటించడం వంటి కొవిడ్​ మార్గదర్శకాలను తప్పనిసరిగా పాటించాలని స్పష్టం చేసింది.

ప్రతి శనివారం, ఆదివారం సందర్శకులకు అవకాశం ఉంటుంది. గతంలో విధంగానే.. రాష్ట్రపతి భవన్ వెబ్​సైట్​ ద్వారా బుక్ చేసుకోవచ్చు. ఒక్కొక్కరు రూ. 50 చెల్లించాల్సి ఉంటుంది.

ఇదీ చూడండి: సభా సమయాల్లో స్వల్ప మార్పులు