Two-Headed Calf: రెండు తలలు, మూడు కళ్లతో దూడ జననం

ఓ ఆవు.. రెండు తలలు(Two-Headed Calf), మూడు కళ్లు, రెండు నాలుకతో ఉన్న దూడకు జన్మనిచ్చింది. దీనిని చూసేందుకు చుట్టుపక్కల ప్రజలు తరలివస్తున్నారు. నవరాత్రి పర్వదినాల మధ్యలో ఈ లేగదూడ పుట్టడం వల్ల అక్కడి ప్రజల పూజలు చేస్తున్నారు.

సాధారణంగా ఆవు దూడలు రెండు కళ్లు, ఓ తలతో పుడతాయి. కానీ ఒడిశా నవరంగ్​పుర్​ జిల్లాలోని రాయ్​గఢ్​ ప్రాంతంలో మాత్రం అరుదైన లేగదూడ జన్మించింది. రెండు తలలు(Two-Headed Calf), రెండు నాలుకలు, మూడు కళ్లతో పుట్టిన ఈ దూడ వింతగా ఉండి చూసేందుకు అందరినీ ఆశ్చర్యపరుస్తోంది.

ఈ దూడను చూసేందుకు చుట్టుపక్కల ప్రజలు బిజపుర ప్రాంతానికి తరలివస్తున్నారు. నవరాత్రుల సమయంలో పుట్టినందున చాలా మంది దీనిని దుర్గామాతా ప్రతిరూపంగా కొలుస్తున్నారు. పూజలు నిర్వహిస్తున్నారు.

ఈ వింత దూడకు జన్మనిచ్చిన గోవును తాను రెండేళ్ల క్రితం కొనుగోలు చేసినట్లు చెప్పుకొచ్చారు యజమాని ధనిరామ్​ గండ. ఈ నవజాత శిశువుకు పాలు ఇవ్వడం తల్లికి ఇబ్బందిగా మారిందని చెప్తున్నారు. సాధారణంగా ఇలాంటి పిల్లలు పుట్టిన కొద్దిసేపటికే చనిపోతుంటాయి. కానీ ఈ దూడ మాత్రం చాలా ఆరోగ్యం ఉన్నట్లు యజమాని తెలిపారు.

ఇదీ చూడండి:ఎలక్ట్రీషియన్​ వింత ప్రవర్తన- ట్రాన్స్​ఫార్మర్​కు మద్యంతో అభిషేకం