గిన్నిస్ రికార్డే లక్ష్యంగా.. 50 రోజుల్లో 2911 కిలోమీటర్లు!
హరియాణాకు చెందిన ఓ యువకుడు ప్రపంచ రికార్డును నెలకొల్పాలని భావించాడు. అందుకోసం పెద్ద లక్ష్యాన్నే ఎంచుకున్నాడు. గిన్నిస్ రికార్డులో స్థానం సంపాదించేందుకు అతను సుమారు మూడు వేల కిలోమీటర్లు పరిగెత్తేందుకు సిద్ధపడ్డాడు. నరేంద్ర సింగ్.. తమిళనాడులోని రామేశ్వరం నుంచి ఉత్తర్ప్రదేశ్లోని అయోధ్యకు గురువారం పరుగును ప్రారంభించాడు.
రామేశ్వరం నుంచి మొదలుకొని అయోధ్య వరకు మొత్తం 2911 కిలోమీటర్లు పరిగెత్తాలన్నది నరేంద్ర సింగ్ లక్ష్యం. అంతేకాదు.. ఈ పరుగును కేవలం 50 రోజుల్లో పూర్తి చేయాలనుకుంటున్నాడు. నరేంద్ర సింగ్ తన లక్ష్యాన్ని చేరుకోవాలంటే రోజుకు సగటున 50 కిలోమీటర్లకుపైన పరిగెత్తాల్సి ఉంటుంది.