టికాయిత్​ కాన్వాయ్​పై దుండగుల దాడి

ప్రముఖ రైతు నేత రాకేశ్​ టికాయిత్​ కాన్వాయ్​పై దుండగులు దాడి చేశారు. నిందితులను అరెస్టు చేయాలని అక్కడే నిరసన చేపట్టారు టికాయిత్ మద్దతుదారులు.

రాజస్థాన్​లో భారతీయ కిసాన్​ యూనియన్​ నేత రాకేశ్​ టికాయిత్​ కాన్వాయ్​పై దాడి జరిగింది. రైతుల ర్యాలీకి హాజరవడానికి వెళ్తుండగా.. ఆయన కారుపై గుర్తుతెలియని కొందరు దాడి చేశారు. టికాయిత్​ సహా ఆయన మద్దతుదారులు.. హర్సోలీ నుంచి బన్సూర్​కు వెళ్తుండగా ఈ ఘటన జరిగింది.

దాడికి పాల్పడిన వారిని వెంటనే అరెస్టు చేయాలని అక్కడే నిరసనకు దిగారు టికాయిత్​ మద్దతుదారులు. ఘటనా స్థలానికి చేరుకున్న స్థానిక పాలనా యంత్రాంగం పరిస్థితిని అదుపు చేసింది.

ఇదీ చూడండి:'ఓటమి తప్పదనే భాజపా ఐటీ దాడుల అస్త్రం'