ఆ చిన్నారి లేఖకు ప్రధాని స్పందన

తమ గ్రామ సమస్యపై ఏకంగా ప్రధాని మోదీకే లేఖ రాసిందా చిన్నారి. ఇలా ఒక్కసారిగా అందరి దృష్టిని ఆకర్షించింది. వెంటనే చిన్నారి లేఖకు ప్రధాని కార్యాలయం స్పందించింది. వివరణ ఇవ్వాల్సిందిగా స్థానిక అధికారులను ఆదేశించింది.

తమ సమస్యలను పరిష్కరించాలంటూ.. కేరళకు చెందిన ఓ నాలుగో తరగతి విద్యార్థిని ..ప్రధానమంత్రి నరేంద్ర మోదీకి లేఖ రాసింది. ఈ లేఖకు స్పందించిన ప్రధాని కార్యాలయం.. వివరణ ఇచ్చి, సమస్యను పరిష్కరించాల్సిందిగా స్థానిక అధికారులను ఆదేశించింది. దీంతో.. ప్రస్తుతం ఆ చిన్నారి వార్తల్లో నిలిచింది.

వంతెన నిర్మాణం కోసం..

ఎమ్​ ఆర్​ అతుల్య.. మలప్పురం జిల్లావాసి. ఆమె చుంగతార కార్మిలిగిరి ఇంగ్లీష్​ మీడియం హైస్కూల్​లో చదువుకుంటోంది. అయితే స్థానికంగా కలక్కమ్​ నదిపై సరైన వంతెన లేకపోవడం వల్ల అక్కడి వారందరూ ఎన్నో ఏళ్లుగా ఇబ్బందిపడుతూనే ఉన్నారు. ఇక వర్షాకాలంలో నది పరిసర ప్రాంతాల ప్రజలు ఒంటరి వారు అపోయినట్టే. బయట ప్రపంచంతో సంబంధం పూర్తిగా తెగిపోతుంది. అధికారులకు, రాజకీయ పార్టీలకు ఈ విషయంపై విజ్ఞప్తి చేసినా ఫలితం దక్కలేదు. ఈ నేపథ్యంలో అతుల్య.. ఏకంగా ప్రధానమంత్రికే లేఖరాసింది. కలక్కమ్​ నదిపై వంతెనను నిర్మించాలని కోరింది.

చిన్నారి లేఖకు స్పందించిన ప్రధాని

"చర్చి, పాఠశాల, మార్కెట్​.. ఇలా ఇక్కడి ప్రజలు దేనికోసమైనా పక్కనే ఉన్న పట్టణానికి వెళ్లాలి. అందుకోసం నదిని దాటాలి. వర్షాకాలంలో పరిస్థితి దారుణంగా ఉంటుంది. దయచేసి పరిస్థితిని సమీక్షించి చర్యలు తీసుకోండి."

--- ఎమ్​. అతుల్య, మలప్పురం.

ఫలితంగా ప్రధాని కార్యాలయం నుంచి స్థానిక అధికారులకు ఆదేశాలు అందాయి. పంచాయతీ కార్యదర్శి వెంటనే వివరణ ఇచ్చారు. సమస్యను.. కొత్తగా ఎన్నికైన పాలనాయంత్రాంగం దృష్టికి తీసుకెళ్లనున్నట్లు తెలిపారు.

ఇలా ప్రధానికి లేఖ రాసి ప్రాముఖ్యత సంపాదించుకున్న అతుల్యపై ఆమె తల్లిదండ్రులు ప్రశంసలు కరుపించారు.

ఇదీ చూడండి:ఆ రాష్ట్రంలో ఏదైనా బాలికల పూజ తర్వాతే..