'పీడీపీయూ' స్నాతకోత్సవంలో పాల్గొననున్న మోదీ

గుజరాత్​ గాంధీనగర్​లోని ఓ ప్రముఖ విశ్వవిద్యాలయంలో శనివారం నిర్వహించనున్న స్నాతకోత్సవంలో పాల్గొననున్నారు ప్రధాని నరేంద్ర మోదీ. వర్చువల్​గా ఈ కార్యక్రమానికి హాజరుకానున్న ప్రధాని.. వర్సిటీలో పరిశోధనలకు ఉపయోగపడే కేంద్రాలను ప్రారంభించనున్నారు.

గుజరాత్​లో పండిత్​​ దీన్​దయాల్​ పెట్రోలియం విశ్వవిద్యాలయం(పీడీపీయూ) 8వ స్నాతకోత్సవ వేడుకకు ప్రధాని నరేంద్ర మోదీ శనివారం హాజరుకానున్నారు. గాంధీనగర్​లో జరిగే ఈ కార్యక్రమంలో వర్చువల్​గా పాల్గొననున్నట్టు ట్విట్టర్​ ద్వారా వెల్లడించారు మోదీ.

ప్రధాని ట్వీట్​

"గాంధీనగర్​ పీడీపీయూలో శనివారం ఉదయం 11గంటలకు జరిగే స్నాతకోత్సవ కార్యక్రమంలో పాల్గొంటాను. అంతేకాకుండా.. విశ్వవిద్యాలయంలో పరిశోధన, ఆవిష్కరణలను మెరుగుపరిచేందుకు ఏర్పాటు చేసిన కేంద్రాలను ప్రారంభిస్తాను."

- నరేంద్ర మోదీ, ప్రధానమంత్రి.

స్నాతకోత్సవం సందర్భంగా అదే యూనివర్సిటీలోని ఓ సోలార్​ ప్యానెల్​ సహా పలు ఇతర కేంద్రాలను ప్రారంభించనున్నారు మోదీ.ఈ కాన్వకేషన్​లో సుమారు 2,600 మంది విద్యార్థులు తమ డిగ్రీ/డిప్లోమాలను పొందనున్నట్టు ప్రధాని కార్యాలయం ఓ ప్రకటనలో వెల్లడించింది.

ఇదీ చదవండి:కరోనా టీకా పురోగతి, పంపిణీపై మోదీ సమీక్ష