తెలుగు రాష్ట్రాల్లో టీకాల వృథాపై మోదీ ఆందోళన

తెలుగు రాష్ట్రాల్లో 10 శాతం వ్యాక్సిన్లు వృథా అవుతున్నాయని ప్రధాని నరేంద్ర మోదీ ఆందోళన వ్యక్తం చేశారు. ఉత్తర్​ప్రదేశ్​లోనూ ఇదే పరిస్థితి ఉందన్నారు. టీకాలు ఎందుకు వృథా అవుతున్నాయో ఆయా రాష్ట్రాలు సమీక్షించుకోవాల్సిన అవసరం ఉందని అభిప్రాయపడ్డారు.

దేశంలో కరోనా కేసులు మళ్లీ పెరుగుతున్న నేపథ్యంలో అన్ని రాష్ట్రాల ముఖ్యమంత్రులతో సమావేశమయ్యారు ప్రధాని నరేంద్ర మోదీ. టీకా పంపిణీని వేగవంతం చేయాలని సూచించారు.

ఆంధ్రప్రదేశ్​, తెలంగాణలో 10 శాతం వ్యాక్సిన్లు వృథా అవుతున్నాయని ఈ సందర్భంగా మోదీ వెల్లడించారు. ఉత్తర్​ప్రదేశ్​లోనూ ఇదే స్థాయిలో వ్యాక్సిన్​ నిరుపయోగం అవుతోందన్నారు. టీకాలు ఎందుకు వృథా అవుతున్నాయో ఆయా రాష్ట్రాలు సమీక్షించుకోవాల్సిన అవసరం ఉందని ప్రధాని అభిప్రాయపడ్డారు. ప్రతిరోజు సాయంత్రం టీకా పంపణీని పర్యవేక్షించి, వ్యాక్సిన్ తీసుకోవాలన్న ఆసక్తితో ఉన్నవారికి వాటిని అందించాలని సూచించారు. దీని వల్ల వ్యాక్సిన్లు వృథా కావని తెలిపారు.

దేశంలోని కొన్ని ప్రాంతాల్లో టీకా పంపిణీ నెమ్మెదిగా సాగడం, కరోనా టెస్టులు తక్కువ సంఖ్యలో చేయడం పట్ల మోదీ ఆందోళన వ్యక్తం చేశారు. పరీక్షల సంఖ్యను పెంచి, టీకా పంపిణీని మరింత వేగవంతం చేయాలని సూచించారు.

ఇదీ చూడండి:రేషన్​ కార్డుల రద్దుపై ప్రభుత్వాలకు సుప్రీం నోటీసులు