కేంద్ర ప్రభుత్వంపై ట్విట్టర్లో విమర్శనాస్త్రాలు సంధించారు కాంగ్రెస్ సీనియర్ నేత కపిల్ సిబల్. అనవసరమైన పాలసీలతో ప్రజల్లో భయాందోళనలు సృష్టించేవారే నిజమైన 'తుక్డే తుక్డే గ్యాంగ్'.. రైతులు కాదని స్పష్టం చేశారు.
" ఎవరు తుక్డే తుక్డే గ్యాంగ్ ?... ఎవరైతే ప్రతి పౌరుడిని రెండు కోణాల్లో చూస్తారో, ఎవరైతే ప్రజల మధ్య విద్వేషాల్ని రెచ్చగొడతారో, ఎవరైతే పాలసీలతో సమాజంలో భయాందోళనలు సృష్టిస్తారో, ఎవరు గాడ్సేను పొగుడుతారో వారు 'తుక్డే తుక్డే గ్యాంగ్'.. రైతులు కాదు."
--ట్విట్టర్లో కాంగ్రెస్ సీనియర్ నేత కపిల్ సిబల్
కేంద్రం తీసుకొచ్చిన వ్యవసాయ చట్టాలకు వ్యతిరేకంగా దిల్లీ- హరియాణా సరిహద్దుల్లో నవంబరు 26 నుంచి రైతులు ఆందోళనలు చేస్తున్నారు. వ్యవసాయ చట్టాలను రద్దు చేయాలని డిమాండ్ చేస్తున్నారు. ఇప్పటికే రైతు నాయకులతో కేంద్రం ఆరు సార్లు చర్చలు జరిపింది. చట్టాల్లో మార్పులు చేస్తామని కేంద్ర హోం మంత్రి అమిత్ షా సైతం హామీ ఇచ్చారు. అయినప్పటికీ రైతులు వెనక్కి తగ్గలేదు. చట్టాలు రద్దు చేసే వరకు ఉద్యమం కొనసాగుతుందన్నారు.
ఇదీ చదవండి :నిరహార దీక్షతో సాగు చట్టాలపై పోరు బాట
