ఏటీఎం దొంగతనం అంటే.. మెషిన్ను పగులగొట్టడమో.. లేదంటే మెషిన్నే ఎత్తుకెళ్లిన ఘటనలు మనం చూశాం. కానీ ఈ సారి మాయగాళ్లు మరీ స్మార్ట్గా ఆలోచించారు. క్యాష్ డిపాజిట్ మెషిన్లను లక్ష్యంగా చేసుకున్నారు. ఏటీఎం మెషిన్లోని చిన్న లూప్ హోల్ను ఆసరాగా చేసుకుని రూ. లక్షలు దండుకున్నారు. సుమారు రూ.48 లక్షలు చోరీ చేశారు. ఈ ఘటన తమిళనాడులోని చెన్నై నగరంలో జరిగింది.
20 సెకన్లే కీలకం..
క్యాష్ డిపాజిట్ మెషిన్లలో డిపాజిట్తో పాటు విత్డ్రా చేసుకునే వెసులుబాటు ఉంటుంది. ఎస్బీఐ మెషిన్లను జపాన్ ఓకేఐ కంపెనీ తయారు చేసింది. దీనిలో విత్డ్రా చేసుకున్నప్పుడు 20 సెకన్లు కీలకమైన సమయంగా పరిగణిస్తారు. డబ్బులు బయటకు రాగానే 20 సెకన్లలోగా తీసుకోవాలి. లేదంటే ఆ నోట్లను మెషిన్.. లోపలికి తీసుకుంటుంది. వెంటనే మూత పడిపోతుంది. డబ్బులు తీసుకోలేదని అక్కడ ఉన్న సెన్సార్లు గ్రహించి సమాచారం పంపిస్తాయి. అకౌంట్లో బ్యాలెన్స్ అలాగే ఉంటుంది. డబ్బులు డ్రా చేసుకునేప్పుడు.. ఏటీఎం మూతపడిపోకుండా చేతితో ఆపితే డబ్బులు తీసుకోలేదని సెన్సార్లు గ్రహిస్తాయి. దీన్నే తమ ఆయుధంగా వాడుకున్నారు కేటుగాళ్లు.