NIACL AO Jobs : న్యూ ఇండియా అస్యూరెన్స్​లో 450 ఏవో ఉద్యోగాలు.. అప్లై చేసుకోండిలా!

New India Assurance Company AO jobs : ఉన్నత ఉద్యోగాల కోసం ప్రిపేర్ అవుతున్న అభ్యర్థులకు శుభవార్త. న్యూ ఇండియా అస్యూరెన్స్​ కంపెనీ 450 ఏవో పోస్టుల భర్తీకి నోటిఫికేషన్​ విడుదల చేసింది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం..

NIACL AO Recruitment 2023 : ఉన్నత విద్యను అభ్యసించి, ఉద్యోగాల కోసం ప్రిపేర్​ అవుతున్న అభ్యర్థులకు గుడ్​ న్యూస్​. న్యూ ఇండియా అస్యూరెన్స్​ కంపెనీ 450 అడ్మినిస్ట్రేటివ్​ ఆఫీసర్స్ (స్కేల్​-1)​ ఉద్యోగాల భర్తీకి నోటిఫికేషన్​ విడుదల చేసింది. ఆసక్తి గల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది.

ఉద్యోగాల వివరాలు

• రిస్క్​ ఇంజినీర్స్​ - 36
• ఆటోమొబైల్ ఇంజినీర్స్ - 96
• లీగల్​​ - 70
• అకౌంట్స్​ - 30
• హెల్త్​ - 75
• ఐటీ - 23
• Generalists - 120

విద్యార్హతలు
NIACL AO Eligibility :

• ఇంజినీరింగ్​ జాబ్స్​ విషయంలో ఆయా పోస్టులను అనుసరించి బీఈ/ బీటెక్​/ ఎంఈ/ ఎంటెక్​ ఉత్తీర్ణత సాధించి ఉండాలి.
• లీగల్​ ఆఫీసర్​ ఉద్యోగాలకు.. లా గ్రాడ్యుయేషన్​ లేదా లా పోస్ట్ గ్రాడ్యుయేషన్​ చేసి ఉండాలి.
• అకౌంట్స్ ఆఫీసర్స్ ఉద్యోగాలకు.. చార్టర్డ్​ అకౌంటెంట్​ (సీఏ) చేసి ఉండాలి.
• హెల్త్​ ఏవో పోస్టులకు.. ఎంబీబీఎస్​/ఎండీ /ఎంఎస్​/పీజీ మెడికల్ డిగ్రీ లేదా బీడీఎస్​/ఎండీఎస్​/ లేదా బీఏఎంఎస్​/ బీహెచ్​ఎంఎస్​ ఉత్తీర్ణత సాధించి ఉండాలి.
• ఐటీ స్పెషలిస్ట్​ పోస్టులకు.. బీఈ/ బీటెక్​/ ఎంఈ/ ఎంటెక్​ లేదా ఎంసీఏ చేసి ఉండాలి.

వయోపరిమితి
NIACL AO Age Limit : అభ్యర్థుల వయస్సు 2023 ఆగస్టు 1 నాటికి 21 ఏళ్ల నుంచి 30 ఏళ్ల మధ్యలో ఉండాలి. అయితే ప్రభుత్వ నిబంధనల ప్రకారం, ఎస్సీ, ఎస్టీ, ఓబీసీ, ఎక్స్​-సర్వీస్​మెన్​, డిఫెన్స్​ సర్వీస్​ పర్సనల్​ కేటగిరీ అభ్యర్థులకు వయోపరిమితి సడలింపు వర్తిస్తుంది.

దరఖాస్తు రుసుము
NIACL AO Application Fee : అభ్యర్థులు అప్లికేషన్​ ఫీజుగా రూ.850 చెల్లించాల్సి ఉంటుంది. అయితే ఎస్సీ, ఎస్టీ, దివ్యాంగులు మాత్రం కేవలం రూ.100 దరఖాస్తు రుసుముగా చెల్లించాల్సి ఉంటుంది.

ఎంపిక విధానం
NIACL AO Selection Process : అభ్యర్థుల ఎంపిక ప్రక్రియ మూడు దశల్లో ఉంటుంది. మొదటి దశలో ప్రిలిమినరీ పరీక్ష నిర్వహిస్తారు. తరువాతి దశలో మెయిన్స్​ పరీక్ష నిర్వహిస్తారు. వీటిలో ఉత్తీర్ణత సాధించినవారిని ఇంటర్వ్యూకు పిలుస్తారు. ఇంటర్వ్యూలో కూడా క్వాలిఫై అయిన అభ్యర్థులకు డాక్యుమెంట్​ వెరిఫికేషన్​, మెడికల్ ఎగ్జామినేషన్​ నిర్వహించి, ఉద్యోగాలకు ఎంపిక చేస్తారు.

జీతభత్యాలు
NIACL AO Salary : ఏవో ఉద్యోగాలకు ఎంపికైన అభ్యర్థుల జీతం రూ.50,925 నుంచి రూ.85,925 వరకు ఉంటుంది. మెట్రోపాలిటన్ సిటీల్లో పనిచేసే వారికి రూ.80,000 వరకు జీతం ఉంటుంది. వీటితోపాటు గ్రాట్యుటీ, ఎల్​టీఎస్​, మెడికల్ బెనిఫిట్స్​, గ్రూప్​ పర్సనల్​ యాక్సిడెంట్​ ఇన్సూరెన్స్ కూడా అందిస్తారు.

దరఖాస్తు విధానం
NIACL AO Apply Online : ఆసక్తి గల అభ్యర్థులు అధికారిక వెబ్​సైట్​ https://www.newindia.co.in లో దరఖాస్తు చేసుకోవాల్సి ఉంటుంది.

ముఖ్యమైన తేదీలు
NIACL AO Application Last Date :

• దరఖాస్తుల స్వీకరణ ప్రారంభ తేదీ : 2023 ఆగస్టు 1
• దరఖాస్తుకు ఆఖరి తేదీ : 2023 ఆగస్టు 21