దేశంలో కరోనా మళ్లీ కోరలు చాస్తోంది. కేసులు విపరీతంగా పెరిగిపోతున్నాయి. మహారాష్ట్రలోని కరోనా హాట్స్పాట్లలో నాసిక్ కూడా ఒకటి. అక్కడి కొవిడ్ వ్యాప్తికి మార్కెట్లను ప్రధాన కారణంగా భావించిన నగరపాలక సంస్థ, పోలీసులు కలిసి కొత్త వ్యూహాన్ని అమలు చేస్తున్నాయి.
అధికారులకు వివరిస్తున్న పోలీసులు ఎంట్రీ ఫీ..
నాసిక్లోని మార్కెట్లు ఎప్పుడూ రద్దీగా ఉంటాయి. ఈ నేపథ్యంలో వైరస్ కట్టడికి జనాన్ని నియంత్రించడమే పరిష్కారమని గుర్తించింది నగరపాలక సంస్థ. పోలీసులతో చేతులు కలిపి కొత్త టోల్ ప్లాన్ విధానాన్ని తీసుకొచ్చింది. మార్కెట్లోకి ఎవరైనా ప్రవేశించాలంటే రూ. 5 చెల్లించి ఎంట్రీ పాస్ తీసుకోవాల్సిందే. దీని గడువు గంట మాత్రమే. అంతకుమించి సమయం మార్కెట్లో ఉంటే రూ. 500 జరిమానా విధిస్తున్నారు.
ఎంట్రీ పాస్లు ఇస్తున్న అధికారులు నగరంలో కొవిడ్ కేసులు విపరీతంగా పెరుగుతున్న తరుణంలో ఇలా కఠిన చర్యలకు ఉపక్రమించింది స్థానిక యంత్రాంగం.
ఎంట్రీ టికెట్ చూపిస్తున్న ఓ మహిళ ప్రస్తుతం షాలీమార్, తిలక్పాత్, బాద్షాహీ కార్నర్, దుమాల్ పాయింట్, శివాజీ రోడ్, సిటీ సెంటర్ మాల్ వంటి ప్రాంతాల్లో ఈ విధానాన్ని ప్రయోగాత్మకంగా అమలు చేస్తున్నారు. ప్రజలు కొద్దిరోజులుగా కొవిడ్ నిబంధనల్ని లెక్కచేయట్లేదని, జరిమానాల భయంతో ఇప్పుడు జాగ్రత్తగా ఉంటారని చెబుతున్నారు. త్వరలో ఈ విధానాన్ని నగరమంతా విస్తరించనున్నట్లు అధికారులు స్పష్టం చేశారు.
మార్కెట్లలో పోలీసుల పహారా ఇదీ చూడండి: కరోనా కల్లోలం- భారత్లో ఒక్కరోజే 72 వేల కేసులు
