యువకుడి తలలోకి దిగిన 8 మేకులు- ప్రాణాలు నిలిపిన వైద్యులు

Nails in head: రాజస్థాన్​ జోధ్​పుర్​ వైద్యులు అత్యంత క్లిష్టమైన శస్త్రచికిత్స చేసి ఓ యువకుడి ప్రాణాలు నిలిపారు. అతడి తలలోకి 8 మేకులు దిగగా.. వాటన్నింటినీ బయటకు తీశారు. ఓ మేకు మెదడులోకి చొచ్చుకెళ్లిన్పటికీ ఎంతో జాగ్రత్తగా ఆపరేషన్​ పూర్తి చేసి యువకుడికి పునర్జన్మనిచ్చారు.

Nails in head: రాజస్థాన్ జోధ్​పుర్​లోని ఎండీఎం ఆస్పత్రి వైద్యులు అత్యంత క్లిష్టమైన శస్త్రచికిత్సను విజయవంతంగా పూర్తిచేసి ఓ యువకుడి ప్రాణాలు కాపాడారు. అతడి తలలోకి దిగిన 8 మేకులను బయటకు తీశారు. ఒక మేకు మెదడు లోపలకి చొచ్చుకెళ్లినా.. అత్యంత జాగ్రత్తగా ఆపరేషన్​ చేసి ఎలాంటి సమస్యా రాకుండా తొలగించారు. 10 రోజులు అబ్​సర్వేషన్​లో ఉంచిన అనంతరం డిశ్ఛార్జ్​ చేశారు. ఇప్పుడు అతడు సాధారణ వ్యక్తిలా పూర్వస్థితికి వచ్చాడని వెల్లడించారు.

Jodhpur news

తలలోకి దిగిన మేకులు- ఆపరేషన్​ చేసి తీసిన వైద్యులు

ఆస్పత్రిలోని న్యూరో సర్జరీ డిపార్ట్​మెంట్​ ఇన్​ఛార్జ్, ఆచార్య డా.శరద్ తన్వి నేతృత్వంలోని వైద్య నిపుణల బృందం ఈ ఆపరేషన్ చేసింది. డిసెంబర్​ 18న 26 ఏళ్ల యువకుడిని ఆస్పత్రికి తీసుకొచ్చారని, పని చేస్తుండగా డ్రిల్​ మెషిన్​ నుంచి 8 మేకులు అతని​ తలలోకి దిగాయని చెప్పారు. ఓ మేకు అతడి మెదడులోకి లోతుగా దిగినట్లు ఎక్స్​రే, సీటీ స్కాన్​లో గుర్తించి అత్యంత జాగ్రత్తగా సర్జరీ చేసినట్లు చెప్పారు. ఆపరేషన్​ కొంచెం అటు ఇటు అయినా యువకుడు జ్ఞాపకశక్తి కోల్పోవడమో, పక్షవాతం వచ్చే ప్రమాదమో ఉండేదన్నారు.

తలలోకి దిగిన మేకులు- ఆపరేషన్​ చేసి తీసిన వైద్యులు

" ఇది అత్యంత సున్నితమైన ఆపరేషన్​. ఏ మాత్రం తేడా జరిగినా యువకుడు ప్రాణాలు కోల్పోయే ప్రమాదం ఉంది. అందుకే రెండు దశల్లో ఈ సర్జరీ పూర్తి చేశాం. తొలి రోజు 7 మేకులను తల నుంచి బయటకు తీశాం. కుడివైపు మెదడు లోపలికి చొచ్చుకెళ్లిన మరో మేకును ఆ మరునాడు వెలికితీశాం. ఎంతో రిస్క్​తో కూడుకున్న ఆపరేషన్​ను విజయవంతంగా పూర్తి చేశాం"

-ఎండీఎం ఆస్పత్రి వైద్యులు

యువకుడు ఇప్పుడు ఆరోగ్యంగా ఉన్నాడని, ఎలాంటి సమస్యా లేదని వైద్యులు చెప్పారు.

ఇదీ చదవండి:దేశంలో మరో 1.80 లక్షల కేసులు.. భారీగా తగ్గిన మరణాలు