Modi On Employment : 'ఆ రంగాల్లో భారీగా ఉపాధి అవకాశాలు.. యువత కోసం మిషన్​ మోడ్​లో NDA'

Modi On Employment : అభివృద్ధి చెందుతున్న రంగాల్లో కేంద్ర ప్రభుత్వం ఉపాధి అవకాశాలను పెంచిందని ప్రధాని నరేంద్ర మోదీ తెలిపారు. కేంద్ర సాయుధ బలగాలకు ఎంపికైన 51వేలకు పైగా ఉద్యోగులకు మోదీ నియామక పత్రాలు అందజేశారు మోదీ.

Modi On Employment :పునరుత్పాదక ఇంధనం, రక్షణ పరిశ్రమ, ఆటోమేషన్‌ వంటి అభివృద్ధి చెందుతున్న రంగాల్లో బీజేపీ ప్రభుత్వం ఉపాధి అవకాశాలను పెంచిందని ప్రధాని నరేంద్ర మోదీ తెలిపారు. దేశవ్యాప్తంగా పలు ప్రాంతాల్లో శనివారం జరిగిన రోజ్​గార్ మేళాను ఉద్దేశించి ప్రధాని మోదీ వర్చువల్​గా ప్రసంగించారు. కేంద్ర సాయుధ బలగాలకు ఎంపికైన 51వేలకు పైగా ఉద్యోగులకు ఈ సందర్భంగా నియామక పత్రాలు అందజేశారు.

కొన్ని లక్షల మందికి..
"గతేడాది అక్టోబర్​లో ప్రారంభించిన రోజ్​గార్​ మేళా.. అరుదైన మైలురాయిని చేరుకుంది. అప్పటి నుంచి కొన్ని లక్షల మందికి అపాయింట్‌మెంట్ లెటర్‌లు అందించాం. నేడు 51,000 మందికి పైగా అపాయింట్‌మెంట్ లెటర్‌లు పంపిణీ చేశాం. కొత్త రిక్రూట్​ అయిన కుటుంబాలుకు ఇది దీపావళికి ముందు దివాళి పండుగ లాంటిది" అని ప్రధాని మోదీ తెలిపారు.

"రోజ్​గార్ మేళా.. యువత పట్ల మా ప్రభుత్వం నిబద్ధతను చూపుతుంది. యువత భవిష్యత్తును దృష్టిలో పెట్టుకుని ఎన్డీఏ సర్కార్​ మిషన్​ మోడ్​లో పనిచేస్తోంది. మేం కేవలం అపాయింట్​మెంట్​ లెటర్​లను పంపిణీ చేయడమే కాకుండా.. వ్యవస్థను పారదర్శకంగా మార్చాం. భారత్​.. కొత్త ఉపాధి అవకాశాలను సృష్టించింది. కొద్ది రోజుల క్రితం.. గుజరాత్​లోని ధోర్డో గ్రామాన్ని ఐక్యరాజ్యసమితి ఉత్తమ పర్యటక గ్రామంగా ప్రకటించింది. అంతకుముందు కర్ణాటకలోని హోయసల ఆలయం, బంగాల్​లోని శాంతినికేతన్​ ప్రపంచ వారసత్వ దేశాలుగా గుర్తించింది. ఇది ఉపాధి అవకాశాలను, ఆర్థిక వ్యవస్థ విస్తరణను పెంచింది. పర్యటకం పెరిగితే ప్రతి రంగానికి ఉపాధి అవకాశాలు పెరుగుతాయి" అని మోదీ చెప్పారు.

Rozgar Mela 2023 November :రోజ్​గార్​ మేళాలో నియామక పత్రాలు అందుకున్న ఉద్యోగులు.. దేశవ్యాప్తంగా పలు ప్రాంతాల్లో ఉద్యోగాల్లో చేరనున్నారు. రెవెన్యూ శాఖ, ఆర్థిక సేవల విభాగం, పోస్టల్​, పాఠశాల విద్యా శాఖ, ఉన్నత విద్యా శాఖ, రక్షణ మంత్రిత్వ శాఖ, ఆరోగ్య, కుటుంబ సంక్షేమ మంత్రిత్వ శాఖ, కేంద్ర ప్రభుత్వ రంగ సంస్థలు, జలవనరుల శాఖ సహా వివిధ మంత్రిత్వ శాఖలు/విభాగాల్లో విధులు నిర్వర్తించనున్నారు. ఎన్నికల సమయంలో దేశంలో 10 లక్షల ప్రభుత్వ ఉద్యోగాలు కల్పిస్తామని హామీ ఇచ్చిన ప్రధాని మోదీ.. గతేడాది అక్టోబర్ 22న రోజ్‌గార్ మేళా మొదటి దశను ప్రారంభించారు.