Mortal remains of cds: తమిళనాడు కూనూర్లో బుధవారం జరిగిన హెలికాప్టర్ ప్రమాదంలో ప్రాణాలు కోల్పోయిన భారత త్రిదళాధిపతి జనరల్ బిపిన్ రావత్, ఆయన భార్య మధులిక రావత్ సహా 11 మంది సైనికుల పార్థివదేహాలను దిల్లీలోని పాలం ఎయిర్బేస్కు తీసుకువచ్చారు. ఎయిర్బేస్కు చేరుకున్న ప్రధానమంత్రి నరేంద్ర మోదీ.. అమరుల భౌతికకాయాలకు నివాళులర్పించారు. వారు కుటుంబ సభ్యులతో మాట్లాడారు. వారికి ప్రగాఢ సానుభూతి తెలిపారు.
నివాళులర్పిస్తున్న ప్రధాని మోదీ అంతకు ముందు ఎయిర్బేస్కు చేరుకున్న రక్షణ మంత్రి రాజ్నాథ్ సింగ్, జాతీయ భద్రతా సలహాదారు అజిత్ డోభాల్ పార్థివ దేహాలకు నివాళులర్పించారు. పుష్పాంజలి ఘటించారు. అమరుల కుటుంబ సభ్యులకు సంతాపం తెలిపారు.
నివాళులర్పిస్తున్న రక్షణ మంత్రి రాజ్నాథ్ సింగ్ నివాళులర్పిస్తున్న అజిత్ డోభాల్ భారత త్రిదళాధిపతి జనరల్ బిపిన్ రావత్ దంపతులు సహా 11 మంది సైనికుల పార్థివ దేహాలకు నివాళులర్పించారు ఆర్మీ, వాయుసేన, నౌకాదళ అధినేతలు జనరల్ ఎంఎం నరవాణె, మార్షల్ వీఆర్ చౌదరి, అడ్మిరల్ ఆర్ హరి కుమార్. పాలం ఎయిర్బేస్కు చేరుకుని పుష్పాంజలి ఘటించారు. అమరులు కుంటుంబాలకు సంతాపం తెలిపారు.
నివాళులర్పిస్తున్న జనరల్ ఎంఎం నరవాణె అడ్మిరల్ ఆర్ హరి కుమార్ సూలూరు నుంచి దిల్లీకి..
గురువారం ఉదయం అమరుల భౌతికకాయాలను మద్రాస్‌ రెజిమెంటల్‌ కేంద్రం నుంచి సూలూరు బేస్ క్యాంపునకు తరలించారు. స్థానికులు మానవహారంలా ఏర్పడి అమరుల భౌతికకాయాలను తరలిస్తున్న అంబులెన్స్‌లపై దారి పొడుగున పూలవర్షం కురిపించారు. అక్కడి నుంచి నుంచి C-130J ఎయిర్‌క్రాప్ట్‌ భౌతికకాయాలతో గురువారం మధ్యాహ్నం బయలుదేరి.. సాయంత్రానికి దిల్లీ పాలం ఎయిర్బేస్కు చేరుకుంది. ప్రముఖులు, కుటుంబ సభ్యుల సందర్శనార్థం పార్థివదేహాలను ఏర్పాటు చేశారు.
