యూపీ భాజపా ఉపాధ్యక్షుడిగా మోదీ సన్నిహితుడు

మాజీ ఐఏఎస్ అధికారి, ఎంఎల్​సీ ఏకే శర్మ.. యూపీ భాజాపా ఉపాధ్యక్షుడిగా నియమితులయ్యారు. ప్రధాని నరంద్ర మోదీకి సన్నిహితుడిగా పేరున్న ఈయనకు కీలక బాధ్యతలు అప్పజెప్పడం ప్రధాన్యం సంతరించుకుంది.

ఉత్తర్​ప్రదేశ్ భాజపా ఉపాధ్యక్షుడిగా ఎంఎల్​సీ ఏకే శర్మ ఎంపికయ్యారు. ఈయన ప్రధాని నరేంద్ర మోదీకి సన్నిహితుడిగా చెబుతుంటారు. మోదీ గుజరాత్ సీఎంగా ఉన్నప్పుడు ఆయనకు కార్యదర్శిగా పనిచేశారు. అనుకున్న సమయానికి అశించిన ఫలితాలు వచ్చేలా పని చేయడం, వైబ్రంట్​ గుజరాత్​ ప్రచారం ద్వారా ఆ రాష్ట్రానికి పెట్టుబడులు రావడానికి కీలక పాత్ర పాత్ర పోషించి మోదీ విశ్వాసం చూరగొన్నారు. లాక్​డౌన్​ తరువాత ఆర్థిక వ్యవస్థ పునరుజ్జీవనం కోసం ప్రధాని ప్రణాళిక ప్రకారం పనిచేస్తున్న కీలక విభాగం.. సూక్ష్మ, చిన్న మరియు మధ్యతరహా పరిశ్రమల మంత్రిత్వ శాఖలో కీలక బాధ్యతలు నిర్వర్తించారు.

ఏకే శర్మను ఉపాధ్యక్షుడిగా ఎంపిక చేసినట్లు యూపీ అధ్యక్షుడు స్వతంత్ర దేవ్​ సింగ్ అధికారికంగా ప్రకటించారు. లఖ్​నవూకు చెందిన అర్చనా మిశ్ర, బులంద్​షహర్​కు చెందిన అమిత్ వాల్మీకీని రాష్ట్ర కార్యదర్శులుగా నియమించినట్లు వెల్లడించారు.