వేధిస్తున్నారని ఫిర్యాదు చేస్తే.. చెయ్యి కోసేశారు!

తనను వేధిస్తున్న యువకులపై వారి ఇంట్లో ఫిర్యాదు చేసినందుకు బాలికపై దాడికి పాల్పడిన ఘటన ఉత్తర్​ప్రదేశ్​లో జరిగింది. ఈ దాడిలో ఆమె చెయ్యి తెగింది. నిందితులపై కఠిన చర్యలు తీసుకోవాలని పోలీసులను అదనపు ఎస్పీ ఆదేశించారు.

ఉత్తర్​ప్రదేశ్​లో తనను వేధిస్తున్నారని ఫిర్యాదు చేసిన బాలికపై.. దాడికి పాల్పడ్డారు ఇద్దరు దుండగులు. బాలిక చెయ్యిని కోసేశారు.

రాయ్​బరేలీలోని ఉంచాహర్​ ప్రాంతంలో ఈ ఘటన జరిగింది. ఓ బాలికను.. పొరుగునే ఉన్న ఇద్దరు యువకులు రోజూ వేధింపులకు గురిచేస్తున్నారు. విసుగు చెందిన బాలిక యువకుల తండ్రికి ఫిర్యాదు చేసింది. దీంతో కోపంతో బాలిక ఇంటికి వెళ్లి కత్తులతో దాడి చేశారు దుండగులు. ఆమె చెయ్యికి తీవ్ర గాయాలయ్యాయి.

బాలిక చేతికి గాయాలు

దాడి అనంతరం తన తండ్రితో కలిసి పోలీసులకు ఫిర్యాదు చేసింది బాలిక. ఈ ఘటనపై వెంటనే కేసు నమోదు చేసుకొని.. నిందితులపై కఠిన చర్యలు తీసుకోవాలని అదనపు ఎస్పీ విశ్వజిత్ శ్రీవాస్తవ ఆదేశించారు.

ఇదీ చదవండి: