బ్యాంకు మాజీ ఛైర్మన్​పై ఈడీ కొరడా.. రూ.294కోట్ల ఆస్తులు జప్తు

MGM Maran Assets Seize: తమిళనాడు మెర్కంటైల్ బ్యాంకు లిమిటెడ్ మాజీ ఛైర్మన్ ఎంజీఎం మారన్​కు చెందిన రూ. 293.91 కోట్లు విలువైన ఆస్తులను జప్తు చేసింది ఈడీ. ఈ ఆస్తులు నాలుగు భారతీయ కంపెనీల్లో షేర్ల రూపంలో ఉన్నాయని పేర్కొంది.

MGM Maran Assets Seize: తమిళనాడు మెర్కంటైల్ బ్యాంకు మాజీ ఛైర్మన్​ నేసమణిమారన్​ ముత్తు అలియాస్ ఎంజీఎం మారన్​ ఆస్తులను జప్తు చేసింది ఈడీ. ఫెమా చట్టం, 1999 కింద మారన్​కు చెందిన రూ.293.91 కోట్లు విలువైన ఆస్తులను జప్తు చేసినట్లు అధికారులు తెలిపారు.

ఈ ఆస్తులు.. భారతీయ కంపెనీలైన సదరన్ అగ్రిఫ్యూరేన్​ ఇండస్ట్రీస్​ ప్రైవేట్ లిమిటెడ్, ఆనంద్ ట్రాన్స్​పోర్ట్ ప్రైవేట్ లిమిటెడ్​, ఎంజీఎమ్​ ఎంటర్​టైన్​మెంట్​ ప్రైవేట్​ లిమిటెడ్, ఎంజీఎం డైమండ్ బీచ్ రీసార్ట్​ ప్రైవేట్ లిమిటెడ్​లో షేర్ల రూపంలో ఉన్నాయన్నారు.

మారన్​ 2005-06, 2006-07 ఆర్థిక సంవత్సరంలో సింగపుర్​లోని రెండు సంస్థల్లో రూ. 293.91 కోట్ల పెట్టుబడులు పెట్టినట్లు ఈడీ పేర్కొంది. ఆర్​బీఐ అనుమతి లేకుండా ఈ పెట్టుబడులు పెట్టినట్లు వివరించింది.

ఇదీ చూడండి:పూలతో ప్రపంచ రికార్డులు.. 7గంటల్లో 108 ఫ్లవర్​ బ్యాండ్స్​ తయారీ