Indians evacuation from Ukraine: ఉక్రెయిన్ నుంచి స్వదేశానికి వచ్చే భారతీయుల సంఖ్య భారీగా పెరిగినట్లు విదేశాంగ శాఖ వెల్లడించింది. తమ సూచనలు జారీ అయిన తర్వాత ఇప్పటివరకూ 17వేల మంది భారతీయులు ఉక్రెయిన్ సరిహద్దులు దాటినట్లు విదేశాంగ శాఖ అధికార ప్రతినిధి అరిందమ్‌ బాగ్చి తెలిపారు. గత 24గంటల్లో 6 విమానాలు దిల్లీలో ల్యాండైనట్లు చెప్పారు. ఇప్పటివరకూ మొత్తం 15విమానాల ద్వారా 3,352 మంది స్వదేశం చేరినట్లు బాగ్చి వెల్లడించారు. మరో 24 గంటల్లో 15 విమానాలను షెడ్యూల్‌ చేసినట్లు పేర్కొన్న ఆయన... వాటిలో కొన్ని ఇప్పటికే దారిలో ఉన్నట్లు ప్రకటించారు.
Russia Ukraine India
తూర్పు ఉక్రెయిన్‌లోని పలు నగరాల్లో పరిస్థితులు తీవ్ర ఆందోళనకరంగా ఉన్నట్లు బాగ్చి పేర్కొన్నారు. గతరాత్రి కొంతమంది విద్యార్థులు ఖార్కివ్‌ నుంచి రైలు ద్వారా బయలుదేరారని తెలిపారు. చందన్‌ జిందాల్‌ అనే భారత విద్యార్థి ఉక్రెయిన్‌లో సహజ మరణం చెందినట్లు బాగ్చి పేర్కొన్నారు. అతని కుటుంబం కూడా అక్కడే ఉన్నట్లు చెప్పారు.
రష్యా సమాచారంతో అడ్వైజరీ..