పోలీస్ స్టేషన్లో భారీ పేలుడు
ఒడిశా పూరీలోని బాలంగ పోలీస్ స్టేషన్లో భారీ పేలుడు సంభవించింది. భవనం పెద్ద ఎత్తున దెబ్బతింది. స్టేషన్లోని సామగ్రి, దస్త్రాలు అన్నీ కాలిపోయాయి. కొంతమేర పైకప్పు సహా గోడలు కూలిపోయాయి. ఇది పిపిలీ నియోజకవర్గం పరిధిలోకి వస్తుంది. సెప్టెంబర్ 30న ఇక్కడ ఉపఎన్నిక జరగనుంది.
ఆదివారం రాత్రి ఈ ఘటన జరిగినట్లు అధికారులు తెలిపారు. సీజ్ చేసిన పేలుడు పదార్థాలు, బ్యాటరీలను స్టేషన్లో ఉంచగా.. అకస్మాత్తుగా ఈ ప్రమాదం జరిగిందని ప్రాథమిక దర్యాప్తులో తెలిసింది. సమాచారం అందిన వెంటనే ఘటనా స్థలానికి చేరుకున్న పూరీ ఎస్పీ.. దర్యాప్తు చేపట్టారు.