కరోనా రెండో దశ(Covid Second Wave India) ఉద్ధృతి సమయంలో మహమ్మారి(Meerut news) బారిన పడిన ఓ వ్యక్తి.. వైరస్‌తో సుదీర్ఘంగా పోరాడి విజయం సాధించారు. 130 రోజుల తర్వాత కరోనా నుంచి కోలుకుని ఆసుపత్రి నుంచి డిశ్చార్జ్‌ అయ్యారు. తన కళ్లముందే ఎంతోమంది కరోనా బాధితులు చనిపోతున్నా.. మనోధైర్యంతో వైరస్ను(Covid Update Uttar Pradesh) జయించగలిగారు.
ఉత్తరప్రదేశ్‌లోని(UP Covid Cases) మేరఠ్‌కు (Meerut news) చెందిన 39 ఏళ్ల విశ్వాస్‌ సైనీకి ఈ ఏడాది ఏప్రిల్‌ 28న కరోనా పాజిటివ్‌గా తేలింది. తొలుత ఇంట్లోనే స్వీయనిర్బంధంలో ఉన్నారు. అయితే ఆ తర్వాత ఆయన ఆరోగ్యం క్షీణించడంతో స్థానిక ఆసుపత్రిలో చేర్చారు. వైరస్ సోకిన తొలినాళ్లలో ఆయన ఆక్సిజన్‌ స్థాయి 16కు పడిపోయాయి. దీంతో దాదాపు నెలరోజులు వెంటిలేటర్‌పై ఉన్నారు. అయినప్పటికీ మనోధైర్యం కోల్పోలేదు. అలా ఏకంగా 130 రోజుల పాటు వైరస్‌తో పోరాడి చివరకు విజయం సాధించారు. బుధవారం ఆయన డిశ్చార్జ్‌ అయినట్లు ఆసుప్రతి వర్గాలు తెలిపాయి.