పెళ్లి చేయండి.. లేకపోతే టవర్ నుంచి దూకేస్తా...
తనకు పెళ్లి చేయాలంటూ హరియాణా కర్నాల్లో ఓ యువకుడు సెల్ టవర్ ఎక్కి నానా వీరంగం చేశాడు. వివాహం చేస్తానని మాట ఇవ్వకపోతే కిందకు దూకి చచ్చిపోతానని ఇంట్లో వారిని బెదిరించాడు. ఈ డ్రామా సుమారు రెండు గంటల పాటు నడిచింది. దీంతో స్థానికులు గుమిగూడారు. యువకుడిని కిందకు దించే ప్రయత్నం చేశారు. అందుకు అతడు ససేమీరా అన్నాడు. చివరకు యువకుడు కోరినట్లు పెళ్లి చేస్తానని కుటుంబసభ్యులు హామీ ఇచ్చారు.
ఈ వ్యవహారంపై సమాచారం అందుకున్న పోలీసులు ఘటనాస్థలికి చేరుకున్నారు. పైన ఉన్న వ్యక్తిని స్నేహితుల సాయంతో కిందకు దించారు.