Man burnt alive: ప్రేమ వ్యవహారం ఓ యువకుడి ప్రాణాల మీదకు తెచ్చింది. మహారాష్ట్రలోని నాశిక్కు చెందిన ఓ వ్యక్తిపై యువతి కుటుంబ సభ్యులు దాడి చేసి సజీవ దహనానికి యత్నించారు. బాధితుడి శరీరం 55శాతం కాలిపోయింది. ప్రస్తుతం అతడిని ఆస్పత్రికి తరలించి చికిత్స అందిస్తున్నారు.
కేసు నేపథ్యమిదీ!
love affair murder maharashtra: దేవోలా తాలుకాలోని లోహనేర్కు చెందిన గోరఖ్ బచ్చవ్ అనే వ్యక్తి ఓ యువతిని ప్రేమించాడు. అయితే, ఈ విషయం గిట్టని యువతి కుటుంబ సభ్యులు ఆమెకు వేరే సంబంధాలు చూశారు. అయితే, యువతి ప్రేమ వ్యవహారం తెలిసి ఓ సంబంధం రద్దైంది. దీంతో శుక్రవారం మధ్యాహ్నం గోరఖ్తో గొడవ పెట్టుకున్నారు యువతి కుటుంబ సభ్యులు. ఇప్పటికైనా యువతిని పెళ్లి చేసుకునేందుకు సిద్ధమేనని గోరఖ్ చెప్పాడు. దీంతో వివాదం పంచాయతీ పెద్దల దాకా వెళ్లింది. అయితే, ఇక్కడే గోరఖ్పై యువతి కుటుంబ సభ్యులు దాడి చేశారు. పెట్రోల్ పోసి నిప్పంటించారు.
కాలిన గాయాలతో విలవిల్లాడిన బాధితుడిని వెంటనే దేవోలా స్థానిక ఆస్పత్రికి అనంతరం నాశిక్ ఆస్పత్రికి తరలించారు. ఈ ఘటనపై కేసు నమోదు చేసుకున్న పోలీసులు.. ఐదుగురు నిందితులను అరెస్టు చేశారు. తదుపరి విచారణ కొనసాగిస్తున్నారు.
ఇదీ చదవండి:కశ్మీర్లో భద్రతా దళాలపై గ్రెనేడ్ దాడి.. ఒకరు మృతి
