assisted reproductive technology bill: సంతాన సాఫల్య కేంద్రాలను నియంత్రించేందుకు ఉద్దేశించిన అసిస్టెడ్ రీప్రొడక్టివ్ టెక్నాలజీ బిల్లుకు లోక్సభ బుధవారం ఆమోదం తెలిపింది. పార్లమెంటరీ స్థాయి సంఘం సిఫార్సుల ఆధారంగా చేసిన సవరణలతో కేంద్ర ఆరోగ్యశాఖ మంత్రి మన్‌సుఖ్ మాండవీయ లోక్సభలో బిల్లును ప్రవేశపెట్టారు. అనంతరం.. మూజువాణి ఓటుతో బిల్లు ఆమోదం పొందింది. సంతాన సాఫల్య కేంద్రాలపై నియంత్రణ, పర్యవేక్షణ కోసం కేంద్రం ఈ బిల్లును తీసుకువచ్చింది.
ఈ సందర్భంగా సింగిల్ పేరెంట్స్, ఎల్జీబీటీక్యూ కమ్యూనిటీలు ఈ ప్రక్రియను వినియోగించటం నుంచి మినహాయించొద్దని ప్రభుత్వాన్ని కోరారు పలువురు సభ్యులు. అలాగే, సరోగసిపై బిల్లు రాజ్యసభలో పెండింగ్లో ఉన్నట్లు చెప్పారు. మరో రెండు డ్రాఫ్ట్ చట్టాలు సహా అన్నింటిని ఒకేసారి ఆమోదించాలని కోరారు. అసిస్టెడ్ రీప్రొడక్టివ్ టెక్నాలజీ బిల్.. సరోగసి బిల్లుపై ఆదారపడి ఉందని తెలిపారు ఆర్ఎస్పీ నేత ఎన్కే ప్రేమచంద్రన్.
" సరోగసి బిల్లు ఎగువ సభలో పెండింగ్లో ఉంది. ఇంకా ఆమోదం పొందలేదు. ఒక చట్టంపై ఆదారపడిన మరో బిల్లును ఈ సభ ఎలా ఆమోదిస్తుంది? ఈ బిల్లును పరిగణనలోకి తీసుకోలేమనేది నా పాయింట్. "