దేశవ్యాప్తంగా కరోనా కేసులు పెరుగుతున్న నేపథ్యంలో ఉత్తరాఖండ్ హరిద్వార్లో నిర్వహిస్తోన్న కుంభమేళాకు తరలివచ్చిన జన సమూహాలను తిరిగి వెళ్లిపోయేలా ఆదేశాలు జారీచేయాలంటూ నోయిడాకు చెందిన సంజయ్ కుమార్ పాఠక్ అనే వ్యక్తి సుప్రీంకోర్టులో పిటిషన్ దాఖలు చేశారు.
దేశంలో కరోనా విజృంభణ గురించి ప్రస్తావించిన ఈ పిటిషన్.. కుంభమేళాలో పాల్గొనేందుకు ప్రజలను ఆహ్వానిస్తోన్న ప్రకటనలను తక్షణమే ఉపసంహరించుకునేలా కేంద్రంతో పాటు, ఉత్తరాఖండ్ ప్రభుత్వానికి ఆదేశాలివ్వాలని పిటిషనర్ కోరారు. మరోవైపు ఎన్నికలు జరుగుతున్న రాష్ట్రాల్లో కరోనా మార్గదర్శకాలను సక్రమంగా అమలయ్యేలా ఎన్నికల సంఘానికి సూచించాలని విజ్ఞప్తి చేశారు.