స్వగ్రామానికి ఆ విద్యార్థిని మృతదేహం.. ఎత్తుకెళ్లిన వస్తువుల్ని తిరిగిచ్చేసిన గ్రామస్థులు

Kallakurichi student death: ఈ నెల 13న అనుమానాస్పదంగా మరణించిన 12వ తరగతి విద్యార్థిని మృతదేహాన్ని ఆమె తల్లి దండ్రులకు అప్పగించారు అధికారులు. బాలిక మృతదేహాన్ని చూసి ఆమె బంధువులు, గ్రామస్థులు బోరున విలపించారు. ఈ ఘటన తమిళనాడులో జరిగింది.

Kallakurichi student death: తమిళనాడులో 12వ తరగతి విద్యార్థిని అనుమానస్పద మృతి చెందిన బాలిక మృత దేహాన్ని అధికారులు ఆమె తల్లిదండ్రులకు అప్పగించారు. పోస్టుమార్టం అనంతరం విద్యార్థిని మృతదేహన్ని కడలూరు జిల్లాలోని బాలిక స్వగ్రామానికి అంబులెన్స్​లో తరలించారు. మృతదేహన్ని చూసి బాలిక తల్లిదండ్రులు, బంధువులు కన్నీటి పర్యంతమయ్యారు.

విద్యార్థిని మృతదేహం తల్లిదండ్రులకు అప్పగించిన అధికారులు

కళ్లకురిచి జిల్లా కనియమూర్‌ ప్రాంతంలో గల ఓ ప్రైవేటు రిసెడెన్షియల్‌ పాఠశాలలో చదువుతున్న బాధితురాలు జులై 13న అనుమానాస్పద స్థితిలో చనిపోయింది. హాస్టల్‌ భవనం మూడో అంతస్తు నుంచి.. దూకి ఆత్మహత్య చేసుకుంది. ఈ ఘటనపై ఆందోళనకు దిగిన విద్యార్థులు.. పాఠశాల బస్సులకు నిప్పు పెట్టారు. అడ్డొచ్చిని పోలీసులపైనా ఎదురు దాడికి దిగారు. ఉపాధ్యాయుల.. వేధింపులు తాళలేక తమ బిడ్డ ఆత్మహత్య చేసుకుందని బాలిక తల్లిదండ్రులు, బంధువులు ఆగ్రహం వ్యక్తం చేశారు. ఈ ఘటన తమిళనాడు వ్యాప్తంగా సంచలనం సృష్టించడం వల్ల దీనిపై సీబీ-సీఐడీ కేసు నమోదు చేసింది. పోస్టుమార్టం అనంతరం బాలిక మృతదేహాన్ని తల్లిదండ్రులకు అప్పగించింది.

కొన్ని రోజుల కింద జరిగిన ఆందోళనల సమయంలో స్కూల్​లోని బెంచీలు, కుర్చీలను నిరసనకారులు ఎత్తుకెళ్లారు. పోలీసులు పాఠశాలకు సంబంధించిన సామాగ్రిని తిరిగిచ్చేయాలని హెచ్చరించడం వల్ల ఆ వస్తువులను తిరిగి పాఠశాల వద్ద వదిలిపెట్టారు ఆందోళనకారులు.

ఇవీ చదవండి:రైల్వే స్టేషన్​లో సామూహిక అత్యాచారం.. అక్కడి ఉద్యోగుల పనే..