జమ్ముకశ్మీర్​లో ప్రశాంతంగా ముగిసిన 'స్థానిక' పోలింగ్​

14:55 December 07

జమ్ముకశ్మీర్​ నాలుగో విడత స్థానిక ఎన్నికలు ప్రశాంతంగా ముగిశాయి. ఉదయం 7 గంటల నుంచి మధ్యాహ్నం 2 గంటల వరకు ప్రజలు తమ ఓటు హక్కును వినియోగించుకున్నారు. మధ్యాహ్నం 1 గంట వరకు 41.94శాతం పోలింగ్​ నమోదైంది.

12:06 December 07

జమ్ముకశ్మీర్​లో ఉదయం 11 గంటల వరకు 26.02 శాతం పోలింగ్ నమోదైంది. ఓటు హక్కు వినియోగించుకునేందుకు పోలింగ్ కేంద్రాల వద్ద ప్రజలు బారులు తీరారు. 

10:00 December 07

జుమ్ముకశ్మీర్​లో నాలుగో విడత పోలింగ్ ప్రశాంతంగా కొనసాగుతోంది. ఉదయం 9 గంటల వరకు 8.16శాతం ఓటింగ్ నమోదైంది.

08:53 December 07

బుధాల్​, మంజాకోట్​లో ఓటు హక్కు వినియోగించుకునేందుకు పెద్ద సంఖ్యలో తరలివస్తున్నారు ఓటర్లు.

08:48 December 07

బుద్గాం జిల్లా నర్బాల్ ప్రాంతంలో ఓటేసేందుకు క్యూలో నిలబడ్డారు ప్రజలు. స్థానిక పాలనతోనే తమ ప్రాంతంలో అభివృద్ధి సాధ్యమవుతుందని భావిస్తున్నట్లు తెలిపారు.

08:42 December 07

నాలుగో విడత పోలింగ్​లో ఓటు హక్కు వినియోగించుకునేందుకు పోలింగ్ స్టేషన్ల వద్ద బారులు తీరారు కశ్మీర్ ప్రజలు. బాజల్తాలోని ప్రభుత్వ పాఠశాలలో ఏర్పాటు చేసిన పోలింగ్ కేంద్రం వద్ద పెద్ద క్యూలో నిలబడ్డారు. ప్రశాంతంగా ఓటు వేస్తున్నారు.

06:48 December 07

కశ్మీర్​లో డీడీసీ ఎన్నికల పోలింగ్​

జమ్ముకశ్మీర్​ స్థానిక సంస్థల ఎన్నికల(డీడీసీ)కు నాలుగో విడత పోలింగ్ ప్రారంభమైంది. మొత్తం 34 స్థానాలకు 249మంది అభ్యర్థులు బరిలో ఉన్నారు. 7లక్షల మందికిపైగా ఓటర్లు వీరి భవితవ్యాన్ని తేల్చనున్నారు. ఉదయం 7గంటల నుంచి మధ్యాహ్నం 2 గంటల వరకు మాాత్రమే ప్రజలు తమ ఓటు హక్కును వినియోగించుకునేందుకు అవకాశముంది. మొత్తం 1,910 పోలింగ్​ స్టేషన్లలో ఏర్పాట్లు చేశారు అధికారులు.

నాలుగో విడత ఎన్నికల్లో భాగంగా ఖాళీగా ఉన్న 50 సర్పంచ్​ స్థానాలకు కూడా పోలింగ్ జరగుతోంది. 137 మంది అభ్యర్థులు పోటీ పడుతున్నారు.

కశ్మీర్​లో ఆర్టికల్ 370 రద్దు తర్వాత తొలిసారి ప్రజాస్వామ్యబద్ధంగా జరుగుతున్న ఎన్నికలను 8 విడతల్లో నిర్వహిస్తోంది ప్రభుత్వం. నవంబర్​ 28, డిసెంబర్​1, డిసెంబర్​ 4న మొదటి మూడు దశల పోలింగ్ పూర్తయింది.