భారత గగనతలం మీదుగా ఇమ్రాన్​ విమానం

పాకిస్థాన్​ ప్రధాని ఇమ్రాన్ ఖాన్ విమానం భారత్​ మీదుగా వెళ్లేందుకు అధికారులు అనుమతిచ్చినట్లు సంబంధిత వర్గాలు తెలిపాయి. ఆయన శ్రీలంకలో తొలిసారి పర్యటించేందుకు భారత గగనతలం మీదుగా​ వెళ్తున్నారు. 2019లో ప్రధాని నరేంద్ర మోదీని పాకిస్థాన్ మీదుగా సౌదీ వెళ్లేందుకు ఇమ్రాన్ సర్కార్​ అనుమతివ్వకపోడం గమనార్హం.

భారత​ గగనతలం మీదుగా వెళ్లేందుకు పాకిస్థాన్ ప్రధాని ఇమ్రాన్ ఖాన్​ విమానానికి అధికారులు అనుమతినిచ్చినట్లు సమాచారం. తొలిసారి శ్రీలంకలో పర్యటించేందుకు భారత్ మీదుగా వెళ్లనున్నారు.

అయితే 2019లో.. తమ గగనతలం మీదుగా సౌదీకి వెళ్లేందుకు భారత ప్రధాని నరేంద్ర మోదీ విమానానికి పాకిస్థాన్ అనుమతి నిరాకరించడం గమనార్హం. కశ్మీర్​లో మానవ హక్కుల ఉల్లంఘనలు జరుగుతున్నాయన్న ఆరోపణలతో అనుమతి ఇవ్వలేదని సాకుగా చెప్పింది. ఈ విషయంపై అంతర్జాతీయ పౌర విమానయాన సంస్థకు భారత్ ఫిర్యాదు కూడా చేసింది.

సాధారణంగా దేశాధినేతల విమానాలకు అన్ని దేశాల ప్రభుత్వాలు అనుమతులు ఇస్తుంటాయి. మోదీ విమానానికి పాక్ అనుమతి నిరాకరించి నిబంధనలు ఉల్లంఘించింది.