How To Join Indian Armed Forces : త్రివిధ దళాల్లో చేరాలని ఉందా? NDA ఒక్కటే కాదు.. ఇలా కూడా ఈజీగా జాబ్ కొట్టొచ్చు!

How To Join Indian Armed Forces : సైన్యంలో చేరి దేశానికి సేవ చేయాలని కలలు కనేవారిలో చాలామంది కేవలం NDA(నేషనల్​ డిఫెన్స్​ అకాడమీ) బోర్డు నిర్వహించే త్రివిధ దళాల పరీక్షల ద్వారానే వెళ్లవచ్చని అనుకుంటారు. కానీ, దేశంలోని వివిధ నియామక ప్రక్రియల ద్వారా కూడా దేశానికి సేవ చేసే అవకాశాన్ని పొందవచ్చు. అదెలాగో ఇప్పుడు తెలుసుకుందాం.

How To Join Indian Armed Forces :సైనికుడు, జవాన్​, ఆర్మీ.. ఇలా పేరేదైనా అందరి అంతిమ లక్ష్యం దేశాన్ని ఇతర రాజ్యాల దాడుల నుంచి రక్షించడమే. అయితే ఇలాంటి అవకాశాన్ని పొందేందుకు దేశంలో కేవలం NDA (నేషనల్​ డిఫెన్స్​ అకాడమీ) నిర్వహించే త్రివిధ దళాల (ఆర్మీ, నేవీ, ఎయిర్​ఫోర్స్​) పరీక్షల్లో ఉత్తీర్ణత సాధించడమే అని చాలా మంది అనుకుంటారు. NDA రిక్రూట్​మెంట్​ అనేది అతి కఠినమైన నియామక ప్రక్రియ అని అనేక మంది అభ్యర్థులు భావిస్తుంటారు. ఇది వాస్తవమే. దీనిలో ఉత్తీర్ణత సాధించాలంటే ఎంతో కష్టపడాల్సి ఉంటుంది. ఈ కారణం వల్లే చాలామంది అనేక ప్రయత్నాలు చేసి చేసి ఏజ్​ మధ్యలోనే డ్రాప్​ అవుతుంటారు. అంతేకాకుండా వీటిల్లో పరిమిత సంఖ్యలో మాత్రమే సీట్లు ఉండటం కారణంగా కూడా చాలామంది ఇక్కడితో ఇక తాము దేశానికి సేవ చేయలేమోనని బాధపడుతుంటారు. కానీ, ఈ అవకాశాన్ని పొందేందుకు దేశంలో కేవలం NDA ద్వారానే కాకుండా ఇతర మార్గాలు కూడా అందుబాటులో ఉన్నాయి. వీటి ద్వారా కూడా భరతమాత భూభాగాలకు రక్షణగా ఉంటూ మీ సేవలందించవచ్చు. మరి ఆ మార్గాలేంటో ఇప్పుడు చూద్దాం.

CDS Exams :

• కంబైన్డ్ డిఫెన్స్ సర్వీసెస్​ (సీడీఎస్​) పరీక్షను యూనియన్​ పబ్లిక్​ సర్వీస్​ కమిషన్ (UPSC) నిర్వహిస్తుంది.
• ఈ ప్రక్రియ ద్వారా కూడా త్రివిధ దళాలకు సంబంధించిన విభాగాల్లోకి ప్రవేశించవచ్చు.
• ఈ పరీక్ష ఏడాదికి రెండు సార్లు జరుగుతుంది.
• డిగ్రీలో ఉత్తీర్ణత సాధించిన ఎవరైనా దీనికి దరఖాస్తు చేసుకోవచ్చు.
• 19-25 ఏళ్ల మధ్య ఉండే అభ్యర్థులు CDS ద్వారా ఉద్యోగం సంపాదించవచ్చు.
• ఏజ్​ లిమిట్​ అనేది మీరు ఎంచుకునే విభాగాలపై ఆధారపడి ఉంటుంది.
• రాతపరీక్ష, SSB ఇంటర్వ్యూలో ఉత్తీర్ణత సాధించిన అభ్యర్థులను ఉద్యోగానికి ఎంపిక చేస్తారు.
• ఆర్మీ కోసం అప్లై చేసుకునే వారు డిగ్రీలో ఏ సబ్జెక్ట్​ అయినా చదవచ్చు.
• నేవీలో సీటు పొందేందుకు అభ్యర్థులు డిగ్రీలో ఇంజినీరింగ్ లేదా సైన్స్​ సబ్జెక్ట్​ను​ తప్పనిసరిగా చదివి ఉండాలి.

CAPF Exams :

• సెంట్రల్​ ఆర్మ్​డ్​ పోలీస్​ ఫోర్సెస్​.. ఈ పరీక్షను కూడా UPSC నిర్వహిస్తుంది.
• ఈ ఎంపిక ప్రక్రియ ద్వారా పారామిలటరీ బలగాల్లో కొలువు సంపాదించవచ్చు.
• బోర్డర్​ సెక్యురిటీ ఫోర్స్​(BSF), సెంట్రల్​ ఇండస్ట్రీయల్​ సెక్యురిటీ ఫోర్స్​(CISF), సెంట్రల్​ రిజర్వ్​ పోలీస్​ ఫోర్స్(CRPF), సశస్త్ర సీమా బల్(SSB) లాంటి విభాగాల్లో ఉద్యోగం చేయవచ్చు.
• ఈ పరీక్షకు అప్లై చేసుకునే అభ్యర్థుల వయసు 20-25 ఏళ్ల మధ్య ఉండాలి.
• యూపీఎస్సీ నిర్వహించే రాతపరీక్ష, మెడికల్ ఫిట్​నెస్​ టెస్టుతో పాటు ఇంటర్వ్యూలో అర్హత సాధించిన అభ్యర్థులను విధుల్లోకి తీసుకుంటారు.

AFCAT Exams :

• ఎయిర్​ ఫోర్స్​ కామన్​ అడ్మిషన్ టెస్ట్ (AFCAT) పరీక్ష ద్వారా కూడా త్రివిద దళాల్లో ఒకటైన ఎయిర్​ ఫోర్స్​లో జాయిన్​ కావచ్చు.
• ఈ పరీక్షను ఇండియన్​ ఎయిర్​ ఫోర్స్​ (IAF) నిర్వహిస్తుంది.
• పురుషులు, మహిళలు ఇద్దరూ ఈ ఎగ్జామ్​ను రాసేందుకు దరఖాస్తు చేసుకోవచ్చు.
• అభ్యర్థుల వయసు 20-26 ఏళ్ల మధ్య ఉండాలి. అయితే ఈ ఏజ్​ లిమిట్​ ఫ్లయింగ్​, నాన్​-ఫ్లయింగ్​ విభాగాలపై ఆధారపడి ఉంటుంది.
• కావాల్సిన విద్యార్హతలు కూడా టెక్నికల్​, నాన్​-టెక్నికల్​ విభాగాలపై ఆధారపడి ఉంటుంది.

ICG Navik Exams :

• ICG నావిక్ ఎగ్జామ్స్​ ద్వారా కూడా కేంద్ర ప్రభుత్వ పరిధిలోని భద్రతా దళాల్లోకి ప్రవేశించవచ్చు.
• ఈ పరీక్షను ఇండియన్​ కోస్ట్​ గార్డ్​ నిర్వహిస్తుంది.
• పురుషులు, మహిళా అభ్యర్థులు ఇద్దరూ ఈ నియామక ప్రక్రియ కింద దరఖాస్తు చేసుకోవచ్చు.
• అభ్యర్థుల వయసు 18-22 మధ్య ఉండాలి.
• కనీస విద్యార్హత 10+2 ఉత్తీర్ణులై ఉండాలి.
• 10+2లో కచ్చితంగా గణితం, ఫిజిక్స్​ సబ్జెక్స్​ రెండూ చదివి ఉండాలి.

Agnipath Scheme :

• గతేడాది జూన్​లో కేంద్రప్రభుత్వం ప్రవేశపెట్టిన అగ్నిపథ్​ పథకం కింద నిర్వహించే భర్తీ ప్రక్రియ ద్వారా కూడా త్రివిధ దళాలైన ఆర్మీ, నేవి, ఎయిర్​ ఫోర్స్​లో కొలువు సాధించవచ్చు.
• 17.5 నుంచి 23 ఏళ్ల మధ్య ఉండే యువతీయువకులు ఈ స్కీమ్​ కింద పరీక్షలకు దరఖాస్తు చేసుకోవచ్చు.
• ఈ స్కీమ్​ కింద ఉద్యోగం సాధించిన అభ్యర్థులను అగ్నివీరులుగా పిలుస్తారు.
• అగ్నిపథ్ స్కీమ్ కింద నిర్వహించే పరీక్షల్లో ఉత్తీర్ణత సాధించిన అభ్యర్థులు నాలుగేళ్లపాటు విధులు నిర్వర్తించాలి.
• ఈ 4 సంవత్సరాల కాలంలో ఆరు నెలలు శిక్షణ ఇస్తారు. ఆపై మిగిలిన 3.5 ఏళ్లు ఉద్యోగం చేయాల్సి ఉంటుంది.
• ఇండియన్​ ఆర్మ్​డ్​ ఫోర్సెస్​(IAF)లోని వివిధ విభాగాల్లో పోస్టింగ్​ కల్పిస్తారు.
• ఈ పథకం కింద ఎంపిక కావాలంటే అభ్యర్థులకు.. విభాగాల వారీగా వివిధ రకాల విద్యార్హతలు, ప్రవేశ పరీక్షలు, వయోపరిమితులు ఉంటాయి.