హిజ్బుల్ ముజాహిదీన్ ఉగ్ర సంస్థకు సంబంధించిన జకీర్ భట్ అనే తీవ్రవాదిని జమ్ముకశ్మీర్ పోలీసులు శుక్రవారం అరెస్టు చేశారు. కుల్గాం జిల్లాలోని ఫైసల్ ప్రాంతంలో ఉగ్రవాదులున్నారనే పక్కా సమాచారంతో మే 27, 28న పోలీసులు గాలింపులు చేపట్టారు.
జకీర్ భట్ షోపియాన్ ప్రాంతానికి చెందిన వాడని పోలీసులు పేర్కొన్నారు. గత 8 ఏళ్లుగా అక్కడే నివసిన్నాడని తెలిపారు. అతని ఇంట్లో బాంబులు, తుపాకులు భారీ ఎత్తున లభించాయని వెల్లడించారు. కేసుకు సంబంధించి పూర్తి దర్యాప్తు జరుగుతోందని తెలిపారు.
శుక్రవారం సాయంత్రం 3 గంటలకు మరో ఆపరేషన్ను షోపియాన్లోని గనపోరా గ్రామంలో చేపట్టారు పోలీసులు. ఉగ్రవాద కదలికలను గమనించి వారిని లొంగిపోవాలని ఆదేశించారు. అయినా వారు కాల్పులకు తెగబడ్డారు. ఫలితంగా ఎన్కౌంటర్ జరిగింది. ఈ ఘటనలో లష్కరే తోయిబాకు చెందిన అయిత్మద్ అహ్మద్ దార్ అనే ఉగ్రవాది మృతి చెందాడని పోలీసులు వెల్లడించారు. ఇతను మార్చి 26 నుంచి ఉగ్రవాద కార్యకలాపాల్లో చురుకుగా ఉన్నాడని తెలిపారు. ఎన్కౌంటర్ ప్రదేశం నుంచి ఏకే- 56 రైఫిల్, బాంబులను స్వాధీనం చేసుకున్నట్లు పేర్కొన్నారు.
ఇదీ చదవండి:జమ్ముకశ్మీర్లో ఎన్కౌంటర్- ఇద్దరు తీవ్రవాదులు హతం