హరియాణాలోని సోనీపత్ జిల్లా ఖరమ్పుర్ గ్రామానికి చెందిన రాజేంద్ర అనే రైతు తన ట్రాక్టర్ను బుల్లెట్ ప్రూఫ్గా తీర్చిదిద్దుకున్నాడు. ఇందుకోసం అతను ఐదు లక్షల వరకు ఖర్చు చేశాడు. దీనికి సీసీటీవీ కెమెరాలతోపాటు లోపల ఏసీ, జీపీఎస్ను ఏర్పాటు చేశాడు.
ఆత్మ రక్షణ కోసమే ఈ ట్రాక్టర్ను బుల్లెట్ ప్రూఫ్ చేశానని చెబుతున్నాడు 38 ఏళ్ల రాజేంద్ర.
"ఉత్తర్ప్రదేశ్, హరియాణా మధ్య ఎప్పటి నుంచో జలవివాదం కొనసాగుతోంది. సరిహద్దు ప్రాంతం కావడం వల్ల ఇరు రాష్ట్రాల ప్రజల మధ్య ఉద్రిక్త పరిస్థితులు నెలకొన్న సందర్భాలు ఉన్నాయి. ఈ సమస్య నుంచి నన్ను నేను కాపాడుకోవడానికి ట్రాక్టర్ను బుల్లెట్ ప్రూఫ్ చేయించాను. గత వారం నేను నా సోదరుడితో పొలానికి వెళ్తున్నప్పుడు కొందరు గుర్తుతెలియని వ్యక్తులు మాపై దాడి చేశారు. కాల్పులు కూడా జరిపారు. ఆ సమయంలో ఈ ట్రాక్టర్ కారణంగా మేము సురక్షితంగా బయటపడ్డాము."
-రాజేంద్ర, బుల్లెట్ ప్రూఫ్ ట్రాక్టర్ యజమాని
ఇదీ చదవండి :1971 యుద్ధంలో విజయానికి గుర్తుగా 4 వేల కి.మీ సైకిల్ యాత్ర