షిల్లాంగ్​లో 'అరుదైన వాన'.. శ్వేతవర్ణంలోకి నగరం

Hailstorm in Meghalaya: మేఘాలయ రాజధాని షిల్లాంగ్​ నగరవాసులకు అరుదైన అనుభూతి లభించింది. ఆ ప్రాంతంలో వడగండ్ల వాన పడింది. దాంతో ఇళ్లు, రోడ్లు మొత్తం శ్వేతవర్ణంలోకి మారిపోయాయి. అరుదుగా కనిపించే ప్రకృతి అందాలను ఆస్వాదిస్తున్నారు నగరవాసులు.

Hailstorm in Meghalaya: ఈశాన్య రాష్ట్రాల్లో ఉష్ణోగ్రతలు భారీగా పడిపోతున్నాయి. స్కాట్లాండ్​ ఆఫ్​ ఈస్ట్​గా పిలిచే మేఘాలయ రాజధాని షిల్లాంగ్​ నగరం మంచు దుప్పటిలో కనువిందు చేస్తోంది. ఊహించని విధంగా బుధవారం వడగండ్ల వాన షిల్లాంగ్​ను కమ్మేసింది. నగరాన్ని తెల్లటి వర్ణంలోకి మార్చేసింది. ఈ ప్రాంతంలో శీతాకాలంలో ఇలా వడగండ్ల వాన కురవటం చాలా అరుదని భారత వాతావరణ శాఖ తెలిపింది. గడిచిన దశాబ్దంలో 3-4 సార్లు మాత్రమే ఇలా జరిగినట్లు పేర్కొంది.

శ్వేతవర్ణంలో దారులు

వడగండ్లతో కూడిన హిమపాతంతో.. ఎగువ షిల్లాంగ్​, లైత్​కోర్​ ప్రాంతాలు శ్వేతవర్ణాన్ని సంతరించుకున్నాయి. ఆయా ప్రాంతాల్లో నివసించే వారికి గొప్ప అనుభూతిని పంచుతున్నాయి. మంచులో కేరింతలు కొడుతూ సామాజిక మాధ్యమాల్లో ఫొటోలు, వీడియోలను షేర్​ చేయటంలో బిజీగా మారిపోయారు అక్కడి ప్రజలు.

దారిపై పేరుకుపోయిన వడగండ్లు

మంచు దుప్పటిలో షిల్లాంగ్​ ప్రాంతాలు

శ్వేతవర్ణంలో రహదారులు

కారుపై మంచు

దారిలో వడగండ్లు

మంచుతో నిండిన ప్రాంతాలు

వడగండ్ల వాన

మంచుతో నిండిన దారులు

ఇదీ చూడండి:శ్వేతవర్ణంలో 'హిమాచల్​' అందాలు.. పర్యటకులకు కనువిందు