గుజరాత్ స్థానిక పోరులో బరిలోకి దిగిన అభ్యర్థుల భవితవ్యం నేడు(మంగళవారం) తేలనుంది. ఉదయం 8 గంటల నుంచి ఓట్ల లెక్కింపు ప్రారంభం కానుంది.
రాష్ట్రంలోని 81 మున్సిపాలిటీలు, 31 జిల్లా పంచాయతీలు, 231 తాలుకా పంచాయతీలకు ఆదివారం ఎన్నికలు జరిగాయి. ఈ ఎన్నికల్లో మున్సిపాలిటీల్లో 52.82 శాతం ఓటింగ్ నమోదు కాగా.. జిల్లా పంచాయతీల్లో 58.82 శాతం, తాలుకా పంచాయతీల్లో 66.6 శాతం ఓటింగ్ నమోదైనట్లు ఆ రాష్ట్ర ఎన్నికల సంఘం సోమవారం తెలిపింది.